У святле выбару Дональда Трампа на пост прэзідэнта Касцёл павінен «прыняць на сябе прарочую ролю», — адзначыў Апостальскі Нунцый у Злучаных Штатах Амерыкі арцыбіскуп Крыстафер П’ер падчас сустрэчы ў Джорджтаўнскім універсітэце, прысвечанай пытанням ядзернага раззбраення.

Ватыканскі іерарх падкрэсліў, што ў пытанні змяншэння ядзернага арсенала ў свеце, неабходна кіравацца прынцыпам папы Францішка: рэальнасць ставіць вышэй за ідэю. Амерыканскія ж «палітыкі застаюцца на ўзроўні ідэі» і «гэта пужае», — сцвярджае прадстаўнік Апостальскай Сталіцы ў ЗША.

Арцыбіскуп Сільвано Тамазі падчас сустрэчы ў Джорджтаўнскім універсітэце, у сваю чаргу, указаў на «непрадказальнасць» новага прэзідэнта і назваў гэта адным з праблемных аспектаў.

КАІ, (VGr)