Ватыкан да будыстаў: трэба распаўсюджваць культуру міру | Друк |
Рымская курыя
25.04.2017 16:45

Сёння «існуе пільная патрэба распаўсюджваць культуру міру, а не насілля». Такім заклікам распачынаецца пасланне да будыстаў, скіраванае Папскай радай па міжрэлігійным дыялогу з нагоды свята Весак.

«У той час, калі мноства веруючых намагаецца пашыраць мір, іншыя выкарыстоўваюць рэлігію, каб апраўдваць свае акты насілля і нянавісці», — чытаем у тэксце паслання, якое падпісаў старшыня ведамства кардынал Жан-Луі Таран.

Падобна «развіваецца рэлігійнае супрацоўніцтва ў глабальным маштабе, аднак назіраецца таксама палітызацыя рэлігіі». І хоць існуе «свядомасць эндэмічнай беднасці і голаду ў свеце», усцяж трываюць «ганебныя гонкі ўзбраенняў». Гэтая сітуацыя, паводле дыкастэрыі, патрабуе «закліку да неўжывання насілля», які базуецца на выразным «адрачэнні ад насілля ва ўсіх яго формах».

Традыцыйнае пасланне Апостальская Сталіца скіроўвае з нагоды найважнейшага свята будыстаў — Весак. Звязана яно з нараджэннем, прасвятленнем і смерцю Гаутамы Буды. Адзначаецца свята ў дзень майскай поўні.

Паводле deon.pl
(VGr)

 
© 2003-2024 Catholic.by