27 кастрычніка ў швейцарскім горадзе Біль пройдзе «Ноч тысячы пытанняў». Падобнае мерапрыемства пры падтрымцы Каталіцкага Касцёла і Рэфармаванай Царквы Швейцарыі арганізоўваецца ў чацвёрты раз. Сёлета падзея пройдзе пад дэвізам «Усё - гэта рынак? Ці будучыня купляецца?».

Як паведамляе міжнароднае інфармацыйнае агенцтва KIPA, арганізатары падзеі ў гэты дзень плануюць даць адказы на найбольш хвалюючыя пытанні гараджан. «Законы эканомікі дыктуюць наша жыццё. Але ці сапраўды ўсё падпадае пад дзеянне правілаў рынку? Адукацыя, рэлігія, здароўе, эмоцыі і сумленне?» — задаюцца пытаннем арганізатары. Адметнай асаблівасцю мерапрыемства стане стварэнне ўнікальнай платформы для абмеркавання найбольш хвалюючых пытанняў — будзь гэта палітыка, эканоміка або рэлігія.

 

 

(JLS)