Дэлегацыя супольнасці з Тэзэ і моладзі наведала Стамбул | Друк |
06.01.2013 22:10

З 3 па 6 студзеня дэлегацыя прадстаўнікоў экуменічнай супольнасці з Тэзэ і моладзі прабывала ў Стамбуле (Турцыя). Гэты этап «пілігрымкі даверу» па зямлі, якую праводзіць супольнасць, стаў працягам Еўрапейскай сустрэчы моладзі, якая прайшла ў канцы снежня — пачатку студзеня ў Рыме.

Галоўным пунктам візіту супольнасці ў Стамбул была сустрэча з Патрыярхам Канстанцінопальскім Барталамеем 5 студзеня ў яго рэзідэнцыі ў Фанары. У мясцовай царкве моладзь з розных краін Еўропы, што ўваходзіла ў склад дэлегацыі, прыняла ўдзел у малітве нешпараў у вігілію Аб’яўлення Пана. Падчас набажэнства Патрыярх Барталамей адзначыў, што вельмі цэніць дзейнасць братоў з Тэзэ.

У той жа дзень моладзь удзельнічала ў літургіі з абрадам асвячэння вады, пасля якой прагучалі песні ў духу Тэзэ, а таксама здзейсніла экскурсію па Стамбуле.

(AG)

 
© 2003-2024 Catholic.by