Выйшаў у свет апошні, 45-ы том перакладу «Сумы тэалогіі» св. Тамаша Аквінскага на японскую мову. Праект па перакладзе прац святога распачаўся яшчэ перад Другой сусветнай вайной.

Галоўны рэдактар і перакладчык серыі — Рысукі Інагакі, выкладчык універсітэта ў Кюсю на пенсіі. Як адзначыў перакладчык у размове з агенцтвам Asianews, «працы св. Тамаша — як творы Баха; яны маюць свой рытм, што палягчае разуменне і працу па іх перакладзе».

«Сума тэалогіі» св. Тамаша Аквінскага, якая была пачата ў 1265 г. і пісалася 9 гадоў, утрымлівае шэраг фундаментальных праблем, сярод якіх пытанне стварэння, імкненне чалавека да шчасця і «пяць шляхоў» пазнання існавання Бога.

(AG)