Польскія музыканты і прадзюсары заявілі пра пачатак працы над мюзіклам, прысвечаным жыццю Папы Рымскага Яна Паўла ІІ. Пра гэта са спасылкай на The Guardian паведамляе ria.ru.

Кардынал Караль Вайтыла, які нарадзіўся ў Польшчы ў 1920 годзе, быў абраны Пантыфікам у 1978 годзе, стаўшы першым Папам неітальянскага паходжання з 1523 года.

1 мая 2011 года Ян Павел ІІ быў абвешчаны благаслаўлёным, а 27 красавіка 2014 года — святым.

Урачыстыя набажэнствы ў памяць пра святога Папу Рымскага адбываюцца штогод 22 кастрычніка. Асабліва папулярны Пантыфік у сябе на радзіме, дзе 90 працэнтаў насельніцтва з’яўляюцца католікамі.

«Мы спрабуем стварыць нешта грандыёзнае. Аднак мы не будзем расказваць цалкам гісторыю ўсяго яго жыцця», — адзначае аўтар мюзікла Міхал Крамарчык.

Стваральнікі праекта звернуць увагу на ключавыя эпізоды з жыцця Пантыфіка. У прыватнасці, асаблівая ўвага будзе ўдзелена гісторыі ўзаемаадносін Караля Вайтылы са сваёй маці. У мюзікле прымуць удзел вядомыя польскія поп- і рокмузыкі. Прэм’ера запланавана на люты 2017 года.

ria.ru, (IL)