Нядаўні візіт Барака Абамы ў Хірасіму станоўчым рэхам адгукнуўся ў епіскапаце Японіі. Той факт, што ўпершыню ў гісторыі Прэзідэнт ЗША наведаў месца, дзе яго суайчыннікі 70 гадоў таму выкарысталі ядзерную зброю, біскуп Ніігата і кіраўнік японскага і азіяцкага «Карытас» назваў «прыемным сюрпрызам».

Іерарх выказаў надзею на тое, што гэты жэст прэзідэнта будзе спрыяць ядзернаму раззбраенню.

«Праўдзівага спакою ў свеце нельга дасягнуць без рэальнага рахунку з адказнасцю за мінулае» — сказаў японскі біскуп. Іерарх падкрэсліў, што патрэбна задумацца над ўрокам, які пакінула Другая сусветная вайна, і над тым, што патрэбна зрабіць зараз, каб захаваць мір.

Каталіцкія біскупы Японіі пастаянна нагадваюць пра неабходнасць ядзернага раззбраення ў цэлым і пра выключэнне вайны. Яны рашуча адрэагавалі на прыняты два месяцы таму закон, які дазваляе японскім сілам абароны супрацоўнічаць з саюзнікамі за мяжой у час ваеннай пагрозы.

У спецыяльным дакуменце біскупы краіны паведамілі, што прыняцце закону парушае 9 артыкул японскай Канстытуцыі, якая забараняе выкарыстанне Японіяй сілы ў міжнародных спрэчках.

Паводле Deon.pl,

(MV)