Новапрызначаны Апостальскі Нунцый у Расіі арцыбіскуп Чэлесціна Мільёрэ, які да гэтага займаў пасаду Апостальскага Нунцыя ў Польшчы, у інтэрв’ю польскаму каталіцкаму агенцтву KAI абазначыў прыярытэты, якімі ён будзе кіравацца падчас служэння ў Расіі.

«Ужо ў канцы лютага пасля сустрэчы Папы Францішка і Патрыярха Кірыла я атрымаў першыя звесткі аб хуткім пераводзе ў Маскву. Пасля трэба было ўпарадкаваць розныя дыпламатычныя працэдуры, на якія быў патрэбны час. Канешне, для мяне гэта стала прыемным сюрпрызам у сувязі з новай місіяй і новымі выклікамі, якія мяне чакаюць», — сказаў пасланнік Папы.

— Якія крокі стануць асноватворчымі ў вашым служэнні?

— Я ўсведамляю, што чаканні Папы і рашэнне аб тым, хто будзе прадстаўляць яго на расійскай зямлі, прадыктаваныя наступнымі рэчамі: пакінуць у баку дыпламатычныя механізмы, якія па сваёй сутнасці з’яўляюцца мулкімі і пазбаўленыя гнуткасці, дзеля адкрытага і эфектыўнага дзеяння, накіраванага на наладжванне адносін і ўзгадненне поглядаў і меркаванняў, якімі б рознымі яны не былі.

— Ці размаўляеце Вы па-руску?

— Гэта вельмі прыгожая мова. Да гэтага я ніколі не выкарыстоўваў кірыліцу: спачатку трэба будзе навучыцца выразнаму чытанню. З багаццем гэтай мовы я крыху знаёміўся дзякуючы літаратуры, хоць і ў італьянскім перакладзе. Сёння прыйшоў час азнаёміцца з ёй у арыгінале.

— Ці ўжо вядома, хто стане наступным Апостальскім Нунцыем у Польшчы?

— Пасля Нунцыя «migliore» (прозвішча іерaрха — Catholic.by), што азначае «лепшы», можа прыйсці толькі «самы лепшы».

Паводле sib-catholic.ru, (IL)