Валанцёры, якія ўдзельнічаюць у праекце «Маладыя паліглоты», стварылі 54-старонкавы слоўнік, каб дапамагчы пілігрымам наладжваць сувязі падчас Сусветных дзён моладзі.
Размоўнік і словы будуць даступныя на шасці мовах: польскай, англійскай, нямецкай, французскай, іспанскай і італьянскай.
Слоўнік змяшчае асноўныя звароты і інфармацыю, спецыяльна падрыхтаваныя для патрэб пілігрымаў, якія прыбудуць на сустрэчу з Папам Францішкам у Кракаў. У ім можна знайсці моўныя фразы пра здароўе, рэлігіі, расклад гарадскога транспарту, харчаванне, экскурсіі.
«Маладыя паліглоты» — праект так званага «Валантарыяту плюс», у рамках якога валанцёры з розных краін свету прапануюць бясплатную дапамогу ў вывучэнні замежнай мовы.
Мэтай праекта з’яўляецца палягчэнне адносін у папулярных мовах, такіх, як, напрыклад, англійская, а таксама вывучэнне асноўных зваротаў у менш папулярных мовах, напрыклад, украінскай.