Прэзідэнт Грузіі Георгій Маргвелашвілі сустрэўся з ініцыятыўнай групай па правядзенні рэферэндума па вызначэнні паняцця шлюбу, пасля чаго чакаецца, што кіраўнік дзяржавы прыме рашэнне — праводзіць галасаванне ці не.
Ініцыятыўная група ў ліпені ўнесла ў ЦВК Грузіі подпісы з патрабаваннем аб правядзенні рэферэндуму. Пытанне для вынясення на рэферэндум гучыць наступным чынам: «Ці згодныя вы, што шлюб уяўляе сабой саюз паміж мужчынам і жанчынай для стварэння сям’і?» ЦВК ужо зарэгістраваў пытанне і накіраваў заяўку разам з заключэннем прэзідэнту.
Кіраўнік дзяржавы ў 30-дзённы тэрмін павінен прыняць рашэнне аб прызначэнні рэферэндуму па гэтым пытанні або даць матываваную адмову.
«Мы не бачым ніводнай прычыны, па якой гэты рэферэндум не павінен праводзіцца. Застаецца апошняя працэдура — гэта подпіс прэзідэнта. У сувязі з гэтым нас запрасілі сёння ў рэзідэнцыю», — расказаў журналістам член ініцыятыўнай групы Звяд Тамарадзэ.