Хрысціянскі выканаўца ТобіМак выпусціў новы кліп да Божага Нараджэння на песню Bring On The Holidays. Відэа было апублікавана 9 снежня на старонцы спевака ў Facebook.
ТобіМак — адзін з заснавальнікаў хрысціянскага гурта dc Talk. У свеце музыкі спявак вядомы найперш як выканаўца хіп-хоп музыкі.
Паводле газеты Christian Post, выпушчаны твор ТобіМака — першая калядная песня за апошнія пяць гадоў. «Святы — дакладна мой любімы час года», — дадае артыст.
У анімаваным відэа расказваецца гісторыя падарожніка, які на шляху дадому пераадольвае розныя перашкоды.
«Я буду там, каб святкаваць нараджэнне Збаўцы, і мы будзем маліцца за мір на Зямлі. Божае Нараджэнне паўсюль!» — адзначаецца ў песні.
«Упэўнены, што відэа многія зразумеюць. Яно дэманструе шэраг юмарыстычных і добрых кадраў», — расказаў ТобіМак.