«Чаму вы робіце тое, што не дазволена ў шабат?»

У пэўны шабат давялося Езусу праходзіць праз збожжа, а вучні Ягоныя зрывалі каласы і елі, расціраючы рукамі.

І некаторыя з фарысеяў казалі: Чаму вы робіце тое, што не дазволена ў шабат?

Тады Езус сказаў ім у адказ: Хіба не чыталі вы, што зрабіў Давід, калі згаладаўся разам са сваімі спадарожнікамі? Як увайшоў ён у дом Божы, узяў ахвярныя хлябы, якія дазвалялася есці толькі святарам, і даў іх сваім спадарожнікам.

І сказаў ім: Сын Чалавечы — гаспадар шабату.