Важнасць малітвы ў сям’і падкрэсліў Святы Айцец Францішак. «Было б цудоўна на працягу мая разам маліцца Ружанец у сем’ях. Малітва робіць мацнейшым сямейнае жыццё», — так гучыць запіс Пантыфіка ў «Твітэры», які з’явіўся 3 мая.

Святы Айцец заклікае маліцца за суддзяў і ўсіх, хто задзейнічаны ў рэалізацыі справядлівасці. Давяраючы малітвам вернікаў агульную інтэнцыю на май 2013 г., Пантыфік запрасіў маліцца аб тым, «каб тыя, хто кіруе справядлівасцю, дзейнічалі паводле цэласнасці і чыстага сумлення».

Кожны месяц малітвам вернікаў давяраюцца дзве інтэнцыі: агульная і місійная. Агульная з малітоўных інтэнцый на красавік, зацверджаных Бэнэдыктам XVI яшчэ ў канцы 2011 года, гучыць так: «Каб публічнае вызнанне веры і малітва былі для вернікаў крыніцай жыцця».

Аб малітве за новаабранага папу Францішка просіць яго родная сястра Марыя. У размове з журналістамі яна прызналася, што вельмі непакоіцца аб сваім браце, а таксама ўзгадала пра сваю даўнюю сустрэчу з папам Янам Паўлам ІІ.

Кожны месяц малітвам вернікаў даручаюцца дзве папскія інтэнцыі для малітвы. Агульная з малітоўных інтэнцый на сакавік гэтага года, якія Бэнэдыкт XVI зацвердзіў яшчэ ў снежні 2011 г., гучыць так: «Каб узрастала пашана да прыроды, з усведамленнем, што ўсё стварэнне з’яўляецца справай Бога, даверанай чалавечай адказнасці».

Святы Айцец Бэнэдыкт XVI даверыў малітоўныя інтэнцыі на 2014 год згодна са звычаем Апостальству малітвы. Гэтыя інтэнцыі прыводзіць новы нумар газеты «L’Osservatore Romano».

Як i кожны месяц, на люты 2013 года Святы Айцец Бэнэдыкт XVI давярае малітвам вернікаў дзве інтэнцыі: агульную і місійную. Першая з іх датычыць сем’яў мігрантаў і народаў, якія пакутуюць з прычын войнаў.

Маліцца аб хрысціянскім адзінстве заклікаў вернікаў Святы Айцец Бэнэдыкт XVI напрыканцы агульнай аўдыенцыі 16 студзеня. Пантыфік нагадаў, што 18 студзеня пачынаецца Тыдзень малітваў аб адзінстве хрысціянаў.

Святы Айцец Бэнэдыкт XVI звярнуўся да вернікаў з просьбай аб малітве за мір у Сірыі. Пантыфік падзяліўся сваім болем за-за цярпення сірыйскага народa і заклікаў спрыяць абароне свабоды сумлення.

Як i кожны месяц, на студзень 2013 года Святы Айцец Бэнэдыкт XVI давярае малітвам вернікаў дзве інтэнцыі: агульную і місійную. Першая з іх датычыць клопату Пантыфіка аб паглыбленні веры і асабістага знаёмства вызнаўцаў Хрыста са сваім Богам.

Як і кожны месяц, Святы Айцец давярае малітвам вернікаў дзве інтэнцыі: агульную і місійную. На снежань першая з іх — «каб ва ўсім свеце мігрантаў прымалі, асабліва ў хрысціянскіх супольнасцях, з велікадушнасцю і сапраўднай любоўю». Другая інтэнцыя — «каб Хрыстус аб’явіўся ўсяму чалавецтву як святло, якое паходзіць з Бэтлеема і адбіваецца на абліччы Яго Касцёла».

1. Малітва Езуса

Перад тым як увайсці ў таямніцу малітвы, на самым пачатку трэба адзначыць, што няма наогул хрысціянскай малітвы без Хрыста. Ён знаходзіцца ў цэнтры кожнай малітвы і сам дае нам прыклад адносінаў да Айца праз малітву. У Езусе чалавек адкрывае сапраўднае аблічча Бога. Убачыць гэта можам між іншым у адным евангельскім эпізодзе: хросту Езуса ў Ярдане, калі з неба чутны быў голас Айца: «Гэта мой Сын умілаваны, якога Я ўпадабаў» (Мц 17, 5).

Кожны месяц Святы Айцец даручае малітвам вернікаў дзве інтэнцыі: агульную і місійную. У лістападзе агульная інтэнцыя Папы наступная: «Каб біскупы, святары і ўсе слугі Евангелля давалі адважнае сведчанне вернасці ўкрыжаванаму і ўваскросламу Пану».

На заканчэнне агульнай аўдыенцыі 3 кастрычніка папа Бэнэдыкт XVI папрасіў вернікаў аб малітве ў інтэнцыі Года веры і Сіноду Біскупаў па новай евангелізацыі. Таксама Пантыфік нагадаў, што заўтра накіроўваецца ў Ларэта і будзе пілігрымаваць шляхам бл. Яна ХХІІІ, які 50 гадоў таму маліўся ў гэтым санктуарыі перад распачаццем Другога Ватыканскага Сабору.

15 чэрвеня, ва ўрачыстасць Найсвяцейшага Сэрца Езуса, адзначаецца Сусветны дзень малітвы аб асвячэнні святароў. Касцёл заахвочвае да малітвы за святароў, якія «прынялі запрашэнне не толькі да асабістага асвячэння, але і да таго, каб асвячаць сваіх братоў і сясцёр».

У пятніцу 22 чэрвеня на плошчы Святога Пятра ў Ватыкане адбудзецца малітоўнае чуванне ў інтэнцыі папы Бэнэдыкта XVI і яго Пантыфікату. Узначаліць малітву Папскі вікарый кардынал Анджэла Камастры.

26 красавіка Беларусь узгадвае чарговую, ужо 26-ю гадавіну ядзернага выбуху на Чарнобыльскай атамнай электрастанцыі. За ахвяраў той страшэннай трагедыі сёння моляцца вернікі шматлікіх каталіцкіх парафій.

Да малітвы як дару прабачэння тым, хто крыўдзіць нас і чыніць перашкоды, заахвоціў Святы Айцец Бэнэдыкт XVI удзельнікаў агульнай аўдыенцыі. У катэхезе, што адбылася 15 лютага 2012 г., Пантыфік асаблівым чынам разважаў над трыма момантамі знаходжання Хрыста на крыжы.