У апошні дзень Нацыянальнай пілігрымкі яе ўдзельнікі наведалі гару Табор, сталі сведкамі аднаўлення сужэнскіх абяцанняў у Кане Галілейскай і памаліліся на супольнай Імшы ў Назарэце.

26 верасня ў горадзе Эйн-Карэм на Святой Зямлі, радзіме св. Яна Хрысціцеля, прайшла ўрачыстая святая Імша для беларускіх пілігрымаў, падчас якой адбылося асвячэнне памятных табліц «Magnificat» і «Benedictus» з надпісамі на беларускай мове.

Чакаецца, што малітоўнае падарожжа адбудзецца ў наступным годзе і падчас яго ў Ярдэніце будзе асвечана табліца са словамі з Евангелля паводле Марка «Ты Сын Мой умілаваны, Цябе ўпадабаў Я» (Мк 1, 11).

Пяты дзень Нацыянальнай пілігрымкі на Святую Зямлю стаў для яе ўдзельнікаў багатым на эмоцыі: пілігрымы наведалі месца Нагорнай пропаведзі, памаліліся ў доме св. Пятра і аднавілі хросныя абяцанні ў Ярдэніце — месцы хросту Пана.

Удзельнікі Нацыянальнай пілігрымкі на Святую Зямлю ў першы дзень праграмы наведалі Гетсіманскі сад, пабачылі малітву «Ойча наш» на беларускай мове ў аднайменным кляштары і памаліліся разам на Імшы ў касцёле Усіх Нацый.

Удзельнікі Нацыянальнай пілігрымкі на Святую Зямлю адстаялі двухгадзінную чаргу да месца нараджэння Хрыста, пабачылі Поле пастухоў і наведалі манастыр св. Феадосія, дзе была пахавана Еўфрасіння Полацкая.

Як выглядае мора, што затапіла Садом і Гамору? Які горад меў самыя старажытныя сцены і адкуль пайшоў выраз пра ерыхонскія трубы? У чацвёрты дзень Нацыянальнай пілігрымкі яе ўдзельнікі наведалі Ерыхон, убачылі смакоўніцу Закхея і дакрануліся да вады ў Мёртвым моры.

У Ізраілі і Палесціне працягваецца Нацыянальная пілігрымка беларускіх католікаў, вынікам якой стане ўсталяванне дошак «Magnificat» і «Benedictus» на беларускай мове.

Старшыня беларускага епіскапату Мітрапаліт Мінска-Магілёўскі арцыбіскуп Тадэвуш Кандрусевіч, які ўзначальвае Нацыянальную пілігрымку ў Ізраіль, адказаў на пытанні Catholic.by пра значэнне гэтай пілігрымкі, а таксама ўзгадаў іншыя малітоўныя падарожжы ў сваім жыцці.

У ноч з 20 на 21 верасня з Нацыянальнага аэрапорта «Мінск» у кірунку Святой Зямлі вылецеў самалёт з удзельнікамі ІV Нацыянальнай пілігрымкі, мэтай якой стане наведванне месцаў жыцця і дзейнасці Хрыста, а таксама асвячэнне памятных дошак з тэкстамі малітваў «Magnificat» і «Benedictus» на беларускай мове.