Віншаванні супрацоўнікаў рэдакцый часопісаў “Наша вера”, “Аve Maria”, выдавецтва “Pro Christo” з нагоды 20-годдзя часопіса “Дыялог” | Друк |
Юбілеі
18.01.2014 15:56

18 студзеня адзначаецца 20-годдзе культурна-рэлігійнага часопіса “Дыялог”. Свае віншаванні скіроўваюць супрацоўнікі рэдакцый часопісаў “Наша вера”, “Аve Maria” і выдавецтва “Pro Christo”.

Супрацоўнікам і выдаўцам часопіса "Дыялог"

Шаноўныя калегі, дарагія сябры!

Сардэчна віншуем вас з юбілеем. Вось ужо два дзесяцігоддзі вы вядзеце шчыры, глыбокі і цікавы дыялог з гэтым светам, несучы яму Добрую Навіну, хрысціянскую духоўнасць, рупліва засяваючы зерне Хрыстовай праўды, умацоўваючы сваіх чытачоў у веры, падтрымліваючы ў надзеі, дорачы любоў і радасць.

Жадаем вам, каб і надалей ваш дыялог паглыбляўся і пашыраўся, каб ваша праца прыносіла шчодры плён на ніве новай евангелізацыі дзеля дабра Касцёла і дзеля ўмацавання хрысціянскай еднасці ў нашай Бацькаўшчыне.

Няхай Нябесны Айцец атуляе кожнага з вас сваёю міласэрнасцю, дае здароўе і сілы на новыя дзесяцігоддзі шчаслівага і плённага служэння Божаму слову.

З павагаю і малітваю,
супрацоўнікі рэдакцый часопісаў "Наша вера", "Аve Maria" і выдавецтва "Pro Christo".


 
© 2003-2022 Catholic.by