18 студзеня адзначаецца 20-годдзе культурна-рэлігійнага часопіса “Дыялог”. Свае віншаванні скіроўваюць супрацоўнікі рэдакцый часопісаў “Наша вера”, “Аve Maria” і выдавецтва “Pro Christo”.

Часопіс «Дыялог» адзначае 20-годдзе. З гэтай нагоды біскуп Антоні Дзям’янка, ардынарый Пінскай дыяцэзіі і Генеральны сакратар Канферэнцыі Каталіцкіх Біскупаў Беларусі, скіраваў свае пажаданні.

У тэматычны план выдання дзяржаўных знакаў паштовай аплаты на 2013 год уключана тэма «400-годдзе прысутнасці абраза Маці Божай у Будславе». На марцы будзе прадстаўлена выява абраза Маці Божай Будслаўскай.

У нядзелю 29 студзеня 2012 г. у законнай супольнасці Св. Арханёла Міхала (айцоў міхалітаў і сясцёр міхалітак) распачаўся Юбілейны Год пад дэвізам «Бог па-над усім». Урачыстасць была прымеркавана да 100-й гадавіны смерці заснавальніка супольнасці, благаслаўлёнага кс. Браніслава Маркевіча. Беатыфікацыя кс. Маркевіча адбылася 19 чэрвеня 2005 г. у Варшаве, а ўспамін прызначаны на 30 студзеня.

Снежань 2001-га… Зарэгістраваны дамен Сatholic.by, 22 снежня на сэрвер заліты першы файл. Менавіта гэтую дату можна лічыць днём нараджэння нашага партала.