26 чэрвеня ў Мікалаеве (Віцебская вобласць), дзе ўзведзены мемарыял у памяць аб ахвярах Беразвецкай трагедыі, біскуп Віцебскі Алег Буткевіч узначаліў святую Імшу за загінулых тут вязняў у 1941 годзе.

Постаці Францішка Скарыны і яго духоўнай спадчыне была прысвечана міжнародная навукова-практычная канферэнцыя «Францішак Скарына і яго духоўная спадчына ўчора і сёння», якая прайшла 23 чэрвеня ў Віцебскім дзяржаўным універсітэце імя П. М. Машэрава.

Да 500-годдзя беларускай Бібліі была прымеркавана выстаўка «Горад Францішка Скарыны вачыма мастакоў» у галерэі касцёла Святога Духа ў Віцебску, адкрыццё якой адбылося 23 чэрвеня ў межах правядзення міжнароднай навукова-практычнай канферэнцыяі «Францішак Скарына і яго духоўная спадчына ўчора і сёння».

29 чэрвеня з Бягомля (Докшыцкі дэканат) вырушыць Першая пілігрымка для людзей з алкагольнай і наркатычнай залежнасцямі. Распачнецца яна святой Імшой у мясцовым касцёле ў 8.00.

На абразку няма ні даты, ні месца друку, ні пазнакі аб дазволе духоўнай улады на друк. Паходжанне абразка — загадка. Трэба сказаць, што каляровы друк з залацістымі ўстаўкамі быў характэрны для абразкоў, датаваных ад 1890-х да пачатку Першай Сусветнай вайны.

11 чэрвеня парафіяльная супольнасць Святога Антонія ў Віцебску перажывала вялікую і значную падзею — у гэты дзень адбылося асвячэнне аднайменнага касцёла. На ўрачыстасці прысутнічалі шматлікія вернікі не толькі з Віцебска, але з ўсёй дыяцэзіі.

Публічнае сведчанне веры далі католікі Віцебска і ўсёй дыяцэзіі, прайшоўшы 10 чэрвеня ў Эўхарыстычнай працэсіі вуліцамі абласнога цэнтра з нагоды ўрачыстасці Найсвяцейшага Цела і Крыві Езуса.

XIII Міжнародная медыцынская канферэнцыя на тэму «Праблемы ўрачэбнай этыкі ў сучасным свеце» прайшла 9 і 10 чэрвеня ў Віцебску.

4 чэрвеня ў парафіі Беззаганнага Зачацця Найсвяцейшай Панны Марыі ў Любліне біскуп Юзаф Врубель SCJ удзяліў дыяканскае пасвячэнне брату Канстанціну Гушчу МІС з Наваполацка. Падчас урачыстай Эўхарыстыі іерарх удзяліў таксама прэзбітэрскае пасвячэнне дыякану Пятру Шыперскаму МІС з Польшчы.

Сцягі Польшчы, Беларусі, Чэхіі і Танзаніі ўпрыгожвалі Малую Базыліку Найсвяцейшага Сэрца Пана Езуса ў Тшэбіні. 27 мая чатыры сальватарынскія семінарысты, якія паходзяць з вышэйзгаданых краін, у тым ліку Яўгеній Жукоўскі з Браслаўшчыны, прынялі дыяканскае пасвячэнне з рук дапаможнага біскупа Катавіцкай архідыяцэзіі Марка Шкудла.

30 мая ў парафіі Святой Тройцы ў Глыбокім падчас святой Імшы маліліся за выпускнікоў. Адзінаццацікласнікі сабраліся ў святыні, каб прасіць благаслаўлення на новы этап свайго жыцця.

На гэты раз знакаміты «дылетант» Юрый Жыгамонт патрапіў ў гарадскі пасёлак Відзы, што знаходзіцца паміж трох азёр ў маляўнічым Браслаўскім раёне Віцебскай вобласці. У гэтым мястэчку стаіць 59-метровы касцёл, адзін з самых высокіх у краіне. У Відзах пахаваны адзін з кіраўнікоў паўстання 1794 года Тамаш Ваўжэцкі.

14 мая Апостальскі Нунцый у Беларусі арцыбіскуп Габар Пінтэр у межах візіту ў Віцебскую дыяцэзію наведаў катэдральны касцёл Езуса Міласэрнага ў Віцебску, дзе ўзначаліў ранішнюю святую Імшу.

У сучасным грамадстве існуе «нездаровы інтарэс да тэмаў пра сатану». На гэта ўказаў экзарцыст Віцебскай дыяцэзіі кс. Аляксандр Жарнасек МІС падчас рэкалекцыйнага курса «Давід» на тэму духоўнай барацьбы з ворагам Божага Валадарства. Рэкалекцыі праходзілі 7–9 мая пры парафіі Св. Юзафа ў Оршы.