Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Упершыню ў Будслаў ладзіцца пілігрымка для людзей з алкагольнай і наркатычнай залежнасцямі
Беларусь - Віцебская дыяцэзія
20.06.2017 10:33

29 чэрвеня з Бягомля (Докшыцкі дэканат) вырушыць Першая пілігрымка для людзей з алкагольнай і наркатычнай залежнасцямі. Распачнецца яна святой Імшой у мясцовым касцёле ў 8.00.

Узначаліць пілігрымку а. Тадэвуш Кавальскі OFMCap, душпастыр Цэнтра дапамогі залежным ад алкаголю і наркотыкаў «Светач» у Бягомлі.

На сёння ў пешы шлях да Маці Божай Будслаўскай запісаліся дзесяць асобаў з алкагольнай залежнасцю. Усе яны веруючыя. Расклад дня пілігрыма будзе звычайны. Адзіным адрозненнем стануць адмысловыя канферэнцыі. Адзіную ноч у гэтай двухдзённай пілігрымцы група правядзе ў намётах.

Запіс у пілігрымку па тэлефоне:
+375 (29) 714-85-30 а. Тадэвуш

фБрацтва цвярозасці ў Бягомлі

Цэнтр дапамогі залежным ад алкаголю і наркотыкаў «Светач» дзейнічае пры парафіі Цара Езуса Хрыста ў Бягомлі ўжо на працягу года. 8 ліпеня, з нагоды гадавіны працы цэнтра, у Бягомль прыбудзе біскуп Віцебскі Алег Буткевіч, каб сустрэцца і памаліцца з людзьмі, якія свядома ўзяліся за працу над сваімі залежнасцямі.

Брацтва цвярозасці заснавана па ініцыятыве айцоў Ордэна Меншых Братоў Капуцынаў, якія нясуць служэнне ў бягомльскай парафіі, і на базе вопыту айцоў капуцынаў з Ломжы (Польшча), дзе наладжана актыўная праца з залежнымі.

Працуюць у цэнтры спецыялісты асветніцкага грамадскага аб’яднання «Цвярозая сіла», кансультанты і псіхолагі, якія маюць асабісты вопыт аздараўлення.

Як паведаміў Catholic.by душпастыр асобаў з залежнасцямі а. Тадэвуш Кавальскі OFMCap, у цэнтры дапамагаюць як залежным, так і сузалежным. Для залежных ёсць магчымасць рэабілітацыі на працягу аднаго-двух месяцаў. Адначасова цэнтр можа прыняць 10 чалавек. На сёння ў ім праходзяць рэабілітацыю тры асобы. Цэнтр у Бягомлі прымае на рэабілітацыю зацікаўленых з усёй Беларусі.

Для сузалежных штомесяц у выхадныя дні праводзяцца двухдзённыя сустрэчы, якія ўключаюць трэнінгі, сустрэчы са спецыялістамі, малітву.

Кантактная інфармацыя:
+375 (33) 345-52-78 (МТС)
+375 (29) 532-68-66 (МТС)
+375 (44) 734-64-09 (velcom)
8 (02157) 3-30-44
E-mail: Гэты e-mail адрас абаронены ад спаму-ботаў, для яго прагляду ў Вас павінен быць уключаны Javascript

Валянціна Грамыка

 

Пры выкарыстанні матэрыялаў сайта спасылка на Catholic.By абавязкова.

Беларусь - Віцебская дыяцэзія

27.06 08:50Біскуп Алег Буткевіч памаліўся за ахвяраў Беразвецкай трагедыі
26.06 16:36У Віцебску прайшла міжнародная канферэнцыя на тэму духоўнай спадчыны Францішка Скарыны
26.06 14:17«Горад Скарыны вачыма мастакоў»: у Віцебску адкрылася выстаўка да 500-годдзя беларускай Бібліі
20.06 10:33Упершыню ў Будслаў ладзіцца пілігрымка для людзей з алкагольнай і наркатычнай залежнасцямі
14.06 12:49На Браслаўшчыне знайшоўся старадаўні абразок з малітвай на беларускай лацінцы
13.06 16:48«Мы танцавалі ў гэтым клубе на выпускным, а сёння тут касцёл»: у Віцебску асвяцілі касцёл св. Антонія
12.06 15:05Сведчанне веры: працэсія Божага Цела прайшла вуліцамі Віцебска
12.06 10:14У Віцебску абмеркавалі праблемы ўрачэбнай этыкі
05.06 17:35Брат Канстанцін Гушча МІС з Наваполацка атрымаў дыяканскае пасвячэнне
02.06 08:48Беларус Яўген Жукоўскі прыняў дыяканскае пасвячэнне ў супольнасці сальватарыянаў