Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Беларус Яўген Жукоўскі прыняў дыяканскае пасвячэнне ў супольнасці сальватарыянаў
Беларусь - Віцебская дыяцэзія
02.06.2017 08:48

Сцягі Польшчы, Беларусі, Чэхіі і Танзаніі ўпрыгожвалі Малую Базыліку Найсвяцейшага Сэрца Пана Езуса ў Тшэбіні. 27 мая чатыры сальватарынскія семінарысты, якія паходзяць з вышэйзгаданых краін, у тым ліку Яўгеній Жукоўскі з Браслаўшчыны, прынялі дыяканскае пасвячэнне з рук дапаможнага біскупа Катавіцкай архідыяцэзіі Марка Шкудла.

Ва ўрачыстасці, як паведамляе waladarka.by, таксама прымалі ўдзел настаяцель правінцыі ксёндз Пётр Філяс са сваёй радай, рэктар сальватарыянскай духоўнай семінарыі ў Багне ксёндз Юрый Мадэра з выкладчыкамі і семінарыйнай супольнасцю, бацькі, сваякі і сябры новых дыяканаў.

Яўген Жукоўскі паходзіць з в. Шаўры Браслаўскага раёна. У 2011 годзе паступіў у Вышэйшую духоўную семінарыю сальватарыянаў у Багне (Польшча).

Таварыства Боскага Збаўцы (сальватарыяне) — гэта манаская супольнасць, пакліканне якой — абвяшчаць людзям, што Езус Хрыстус з’яўляецца адзіным Збаўцам. У Касцёле гэтая супольнасць існуе з 1881 г.

На сёння прадстаўнікі Таварыства Боскага Збаўцы нясуць служэнне прыкладна ў 30 краінах Еўропы, Паўночнай і Паўднёвай Амерыкі, Аўстраліі, Афрыкі і Азіі.

У Беларусь першыя сальватарыяне прыехалі ў 1990 г. Цяпер душпастырскай апекай сальватарыянаў ахоплены 4 парафіі Віцебскай дыяцэзіі, якія дзейнічаюць у Браславе, Урбанах, Слабодцы і Віцебску.

(VGr)
Фота Аляксея Жылевіча

 

Пры выкарыстанні матэрыялаў сайта спасылка на Catholic.By абавязкова.

Беларусь - Віцебская дыяцэзія

27.06 08:50Біскуп Алег Буткевіч памаліўся за ахвяраў Беразвецкай трагедыі
26.06 16:36У Віцебску прайшла міжнародная канферэнцыя на тэму духоўнай спадчыны Францішка Скарыны
26.06 14:17«Горад Скарыны вачыма мастакоў»: у Віцебску адкрылася выстаўка да 500-годдзя беларускай Бібліі
20.06 10:33Упершыню ў Будслаў ладзіцца пілігрымка для людзей з алкагольнай і наркатычнай залежнасцямі
14.06 12:49На Браслаўшчыне знайшоўся старадаўні абразок з малітвай на беларускай лацінцы
13.06 16:48«Мы танцавалі ў гэтым клубе на выпускным, а сёння тут касцёл»: у Віцебску асвяцілі касцёл св. Антонія
12.06 15:05Сведчанне веры: працэсія Божага Цела прайшла вуліцамі Віцебска
12.06 10:14У Віцебску абмеркавалі праблемы ўрачэбнай этыкі
05.06 17:35Брат Канстанцін Гушча МІС з Наваполацка атрымаў дыяканскае пасвячэнне
02.06 08:48Беларус Яўген Жукоўскі прыняў дыяканскае пасвячэнне ў супольнасці сальватарыянаў