1-2 ліпеня ў Нацыянальным санктуарыі ў Будславе прайшлі ўрачыстасці ў гонар Маці Божай Будслаўскай на тэму «Надзея ў Божай міласэрнасці». Яны былі прысвечаны 25-годдзю заснавання Мінска-Магілёўскай мітраполіі. На ўрачыстасцях прысутнічаў спецыяльны пасланнік Папы Францішка арцыбіскуп Вены кардынал Крыстаф Шонбарн ОР.

Рэдакцыя Сatholic.by у час Вялікага посту прапануе новы праект — цыкл разважанняў на тэму ўчынкаў міласэрнасці адносна цела і адносна душы. Гэтая тэма тым больш актуальная ў кантэксце Юбілейнага Года Міласэрнасці, які пачаўся ў Паўсюдным Касцёле 8 снежня.

«Сямейны Ружанец» — гэта сборнік разважанняў, які падрыхтавала рэдакцыя Catholic.by для ружанцовых набажэнстваў у кастрычніку — месяцы, калі вернікі Каталіцкага Касцёла звяртаюцца да Бога праз Панну Марыю, молячыся ружанцовай малітвай.

У кожнага з іх дарога ў манаскую супольнасць была свая. І толькі яны ведаюць, чым давялося ахвяраваць на гэтай дарозе, поўнай калдобін і ўзгоркаў — праз гравійку і купіны, — каб не страціць той невытлумачальны голас унутры сябе, які іх вёў, — голас паклікання.

Дарагія сябры, у гэтым матэрыяле мы прапануем беглы агляд усіх падзей з Малітоўнай сустрэчы моладзі, якая праходзіць у Івянцы з 26 па 28 ліпеня. Матэрыял абнаўляецца ў рэжыме рэальнага часу.

Марыйныя ўрачыстасці ў Будславе прайшлі 3-4 ліпеня пад дэвізам «Марыя — прытулак грэшных». Таксама ў гэтым годзе Касцёл у Беларусі адзначыў 25-годдзе адраджэння пілігрымак да Маці Божай Будслаўскай.

З 12 па 15 сакавіка па запрашэнні беларускіх уладаў адбываўся афіцыйны візіт у Рэспубліку Беларусь Яго Эмінэнцыі кардынала П'етро Параліна, Дзяржаўнага Сакратара Яго Святасці Папы Францішка.

24-28 лютага 2014 г. у Лідзе праходзіць VIII Чэмпіянат Еўропы па міні-футболе сярод святароў. У чэмпіянаце прымаюць удзел каманды Беларусі, Аўстрыі, Албаніі, Босніі і Герцагавіны, Венгрыі, Казахстана, Польшчы, Партугаліі, Румыніі, Славакіі, Славеніі, Украіны, Харватыі і Чарнагорыі.

На Catholic.by  з’явіўся праект  «Зярнятка» — штотыднёвае выданне Евангелля разам з  дадаткам — заданнямі да яго. Мэта «Зярнятак» — дапамога ў евангелізацыі дзяцей. Гэта дапаможны матэрыял, якім могуць карыстацца катэхеты і катэхеткі.

26–28 ліпеня 2013 г. у Івянцы пройдзе ўжо ІІІ Усебеларуская сустрэча моладзі. Сёлета яе ўдзельнікаў чакаюць цікавыя тэмы, дыялог з біскупамі, трансляцыя з Сусветнага дня моладзі ў Рыа-дэ-Жанейра, канцэрт а. Стэна Фартуна (ЗША). І гэта толькі некаторыя моманты. Больш падрабязна пазнаёміцца з ходам сустрэчы можна ў праграме. Дэвіз сустрэчы: «Ідзіце і навучайце ўсе народы» (Мц 28, 19).

3 30 чэрвеня па 5 ліпеня ў Будслаў будуць крочыць пілігрымы з Браслава. Сярод іх і Людміла Бурлевіч, карэспандэнт Catholic.by. Сваімі назіраннямі, а таксама навінамі, якія адбыліся ў пілігрымцы за дзень, яна будзе дзяліцца ў сваім анлайн-дзённіку.

З 1 чэрвеня па 28 жніўня ў Беларусі адбудзецца перэгрынацыя рэліквій св. Тэрэзы ад Дзіцятка Езус. У апошнія гады перэгрынацыя рэліквій святой прайшла ў суседніх краінах Беларусі: ва Украіне, Польшчы, Літве, Эстоніі, Расіі. Святая ў сваіх парэштках пабывала ўжо ў многіх краінах свету. Беларусь стане 76-й краінай свету, якая прыме рэліквіі св. Тэрэзы ад Дзіцятка Езус.

Сёлета адзначаецца 400-годдзе з’яўлення цудатворнага абраза Маці Божай у Будславе. Юбілею папярэднічала трохгадовая духоўная падрыхтоўка, у якой прыняла ўдзел уся каталіцкая супольнасць Беларусі.