Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Глыбоцкія выпускнікі новы этап у сваім жыцці распачалі супольнай малітвай
Беларусь - Віцебская дыяцэзія
31.05.2017 08:57

30 мая ў парафіі Святой Тройцы ў Глыбокім падчас святой Імшы маліліся за выпускнікоў. Адзінаццацікласнікі сабраліся ў святыні, каб прасіць благаслаўлення на новы этап свайго жыцця. Святую Эўхарыстыю за выпускнікоў цэлебраваў вікарый парафіі кс. Іван Кароткін.

«Кожны з вас цяпер хвалюецца пра сваю будучыню, і гэта натуральна. Важна даверыцца Богу і ісці наперад, — адзначыў святар. — Зараз распачынаецца новы этап — жыцця самастойнага і адказнага. Не будзе побач бацькоў, настаўнікаў, школьных сяброў. Будзе новае акружэнне. Вашае заданне — заставацца вернымі Хрысту: не паддавацца дрэннаму ўплыву, не саромецца хадзіць у касцёл, на саромецца маліцца, а наадварот, стаць прыкладам веруючага чалавека. У новым акружэнні з’явяцца спакусы, але важна ўмець разумна карыстацца сваёй свабодай. Ніколі не забывайце пра Бога і пра паняцце граху».

На заканчэнне святар пажадаў выпускнікам: «Не змарнуйце сваёй маладосці, не зламайце жыццё на самым пачатку, будуйце яго на трывалым падмурку! Ваш лёс знаходзіцца ў вашых руках. Менавіта ад вас залежыць, якімі вы станеце людзьмі. Не важна, дзе вы будзеце вучыцца, (...) важна, каб вы навучыліся быць добрымі і Божымі людзьмі».

На заканчэнне Эўхарыстыі кс. Іван удзяліў выпускнікам благаслаўленне, пасля якога бацькі звярнуліся да святароў і манахінь са словамі ўдзячнасці за малітву, прыклад і духоўнае выхаванне іх дзяцей на працягу многіх гадоў.

Паводле catholicnews.by
(VGr)

 

Пры выкарыстанні матэрыялаў сайта спасылка на Catholic.By абавязкова.

Беларусь - Віцебская дыяцэзія

27.06 08:50Біскуп Алег Буткевіч памаліўся за ахвяраў Беразвецкай трагедыі
26.06 16:36У Віцебску прайшла міжнародная канферэнцыя на тэму духоўнай спадчыны Францішка Скарыны
26.06 14:17«Горад Скарыны вачыма мастакоў»: у Віцебску адкрылася выстаўка да 500-годдзя беларускай Бібліі
20.06 10:33Упершыню ў Будслаў ладзіцца пілігрымка для людзей з алкагольнай і наркатычнай залежнасцямі
14.06 12:49На Браслаўшчыне знайшоўся старадаўні абразок з малітвай на беларускай лацінцы
13.06 16:48«Мы танцавалі ў гэтым клубе на выпускным, а сёння тут касцёл»: у Віцебску асвяцілі касцёл св. Антонія
12.06 15:05Сведчанне веры: працэсія Божага Цела прайшла вуліцамі Віцебска
12.06 10:14У Віцебску абмеркавалі праблемы ўрачэбнай этыкі
05.06 17:35Брат Канстанцін Гушча МІС з Наваполацка атрымаў дыяканскае пасвячэнне
02.06 08:48Беларус Яўген Жукоўскі прыняў дыяканскае пасвячэнне ў супольнасці сальватарыянаў