Неўзабаве распачнецца кастрычнік — месяц ружанцовай малітвы. У Мінска-Магілёўскай архідыяцэзіі сёлета гэтая малітва распачнецца раней — 30 верасня, 9-дзённай Навэннай, што будзе папярэднічаць святкаванню 300-годдзя кансэкрацыі сённяшняй мінскай архікатэдры. Вашай увазе прапануем разважанні аб ружанцовай малітве.

Каб тлумачыць таямніцы Ружанца і сэнс звязаных з ім малітваў, неабходна звяртацца не толькі да Святога Пісання ці дакументаў Касцёла, але і да літаратуры, паэзіі, мастацтва, кіно.

Ружанец — гэта не толькі выражэнне рэлігійнасці ці пабожнасці. Малітва, дзякуючы сваёй форме, дзейнічае таксама як тэрапія, супакойвае і суцішае. Часам сам дотык да ружанца ў цяжкія моманты жыцця абуджае нашу веру і дае надзею.

Трэба было б у сваіх дамах пашукаць старыя ружанцы, на якіх, можа, спрадвеку маліліся нашы продкі. Няхай малітва на гэтых моцна пацёртых пацерках, сведчанне веры і пабожнасці нашых продкаў, выпрасіць нам заступніцтва тых людзей, якія на іх маліліся перад намі, бо Ружанец — адна з самых плённых малітваў.

Падрыхтаваў кс. доктар Уладзіслаў Мрувка
паводле кнігі кс. Яўгена Бужыка