Відзаўскі дзіцячы дом наведалі вернікі браслаўскай парафіі | Друк |
Беларусь - Віцебская дыяцэзія
03.01.2014 10:59

2 студзеня дэлегацыя браслаўскага касцёла наведала відзаўскі дзіцячы дом сямейнага тыпу, гаспадыняй якога з’яўляецца даўняя парафіянка мясцовай святыні Святлана Дземідкевіч. Нядаўна яна стала мамай для шасцярых хлопчыкаў і дзяўчынак, якія па розных прычынах засталіся без бацькоўскай апекі.

Для вялікай сям’і ксёндз Станіслаў Мжыглуд і прадстаўнікі парафіяльнага «Caritas» пры фінансавай падтрымцы «Caritas» Віцебскай дыяцэзіі прывезлі пачастункі, развівальныя гульні, цацкі і шчырыя словы пажаданняў Божай ласкі на ўсё жыццё.

Тэкст і фота Тамары Пашкевіч
 

 


 

 
© 2003-2025 Catholic.by