Асвячэнне шпітальнай капліцы адбылося праз два гады пасля адкрыцця шпіталя ў Шаркаўшчыне.

Як перадае словы віцебскага ардынарыя партал catholicnews.by, іерарх назваў шпіталь асаблівым месцам, бо «менавіта тут у цяжкія хвіліны свайго жыцця чалавек набліжаецца да Бога, разумеюючы сэнс Хрыстовых пакут».

Пасля цырымоніі асвячэння старшыня Шаркаўшчынскага райвыканкама Мікалай Баговіч перадаў у падарунак біскупу адмысловы абраз, які віцебскі ардынарый пакінуў у дар новаасвечанай капліцы. Пробашч парафіі Узвышэння Святога Крыжа ў Шаркаўшчыне кс. Кшыштаф Сілкоўскі SCJ у сваю чаргу запрасіў галоўнага ўрача шпіталя Станіслава Стому і ўвесь медыцынскі персанал на супольную малітву 18 кастрычніка, ва ўспамін святога Лукі Евангеліста (апекуна медыкаў).

(IL)