7-8 лістапада ў кляштары сясцёр змёртвыхпаўстанак у Наваполацку адбылася малітоўная сустрэча для дзяўчат пад назвай «Сустрэча з Каралём». На сустрэчу прыехалі дзяўчаты з Мінска і з Наваполацка. На працягу гэтых дзён удзельніцы разважалі на тэму малітвы.
Падчас вечаровай адарацыі Найсвяцейшага Сакрамэнту малітва была падрыхтавана ў алегарычнай форме «сустрэчы з Каралём».
Як дзеліцца адна з удзельніц духоўнай сустрэчы: «Я вельмі рада, што гэты час прысвяціла Пану Богу, калі навокал так шмат працы і мітусні… Яшчэ раз я змагла ўсвядоміць, што вялікую ролю адыгрываюць сведчанні, дзяленне сваімі пачуццямі і думкамі з іншымі людзьмі».
С. Яўгенія Тропачава CR