У маі пачынае працаваць «Цэнтр абароны жыцця і сям'і» Віцебскай дыяцэзіі. Цэнтр адкрыты на базе БКА «Карытас», якая супрацоўнічае па пытаннях абароны жыцця і сям'і з Душпастырствам сем'яў Віцебскай дыяцэзіі і Дабрачынным фондам «Адкрытыя сэрцы».

Сумесная дзейнасць праводзіцца па наступных накірунках:

• падрыхтоўка маладых людзей да адказнага сужэнства
• навучанне метаду распазнання плоднасці, які актуальны для сужэнцаў з паніжанай плоднасцю і для тых, хто па абгрунтаваных прычынах жадае адкласці зачацце дзіцяці
• падтрымка сем'яў, дзе выхоўваюцца дзеці з асаблівымі патрэбамі
• школа натуральных родаў
• ранняе развіццё дзяцей

Прыём сямейнага кансультанта ажыццяўляецца кожны чацвер з 15.00 да 19.00 па адрасе: г. Віцебск, вул. Чкалава, д. 52 к. 1 (210041). Таксама можна дамовіцца аб індывідуальнай кансультацыі па тэлефонe: 306-22-22 (МТС і Velcom), які працуе кругласуткава.

Штомесяц у цэнтры праводзяцца малітоўныя сустрэчы валанцёраў Душпастырства сем'яў і ўсіх, хто неабыякавы да гэтых пытанняў.

Паводле www.prolife-belarus.org, (AYU)