Сястра Крысціна Скучыя, пераможца конкурса «Голас Італіі», падарыла свой
дэбютны альбом Папу Францішку. Прыгожа загорнуты дыск яна ўручыла
Святому Айцу напрыканцы агульнай аўдыенцыі.Пра гэта перадае Польская рэдакцыя Ватыканскага радыё.
25-гадовая ўршулянка з Італіі заўсёды падкрэслівае, што яна не збіраецца змяняць рэлігійнае жыццё на карысць кар'еры ў шоў-бізнэсе. Кантракт з Universal Records быў галоўнай узнагародай у конкурсе, у якім перамагла манахіня.
Сястра Крысціна Скучыя таксама з'яўляецца адным з твараў кампаніі па духоўнай падрыхтоўцы да Сусветнага дня моладзі ў Кракаве, які пройдзе ў 2016 годзе.
(AYU)