Каментарый да літургіі

Мы перажываем апошні тыдзень літургічнага года ва ўрачыстасць Езуса Хрыста, Валадара Сусвету. Сённяшнія чытанні гавораць аб вяртанні Езуса Хрыста на зямлю. Гэта будзе момант, які прыйдзе неспадзявана.

Хочам ужо сёння ў гэтай Эўхарыстыі аддаць належную хвалу і пакланенне Езусу Хрысту, нашаму Валадару і Пану. Давайце на алтары складзем усе нашая праблемы і цяжкасці штодзённага жыцця, спадзеючыся, што толькі Пан неба і зямлі можа ператварыць свой крыж у ярмо.

Каментарый да літургіі слова

Літургія слова нагадвае нам аб праўдзе, што зменлівасць з'яўляецца важнай якасцю чалавечай істоты і свету, у якім мы жывём. Божае слова паказвае нам, што Валадарства Хрыста не з гэтага свету, але паходзіць ад Творцы.

Божае Валадарства тут, на зямлі, распаўсюджваецца, калі слухаем Слова і сведчым аб ім бліжнім.

Давайце прыслухаемся да Слова, якое сее ў нашых сэрцах веру, надзею і любоў.

Малітва вернікаў

Прадставім Богу нашыя малітвы і папросім аб патрэбных ласках для стварэння Валадарства Хрыста на зямлі.

1. Молімся за Касцёл святы, каб паказваў усяму свету дарогу да Праўды, якой з’яўляецца наш Пан – Езус Хрыстус. Цябе просім...
2. Молімся аб благаслаўленні і дарах Божай ласкі для Папы Францішка, нашага біскупа... і ўсіх святароў. Цябе просім...
3. Молімся аб ласцы супакою ва ўсім свеце. Цябе просім...
4. Молімся аб новых пакліканнях да святарства і манаскага жыцця, каб Добрая Навіна абвяшчалася ўсім народам. Цябе просім...
5. Молімся за памерлых, каб яны дасягнулі шчасця прабывання ў Валадарстве Нябесным. Цябе просім...
6. Молімся за нас, сабраных вакол алтара Пана, каб мы, перамененыя Божым словам і Хлебам Эўхарыстычным, распазналі Бога ў сваім жыцці. Цябе просім...

Божа, выслухай нашыя малітвы, якія Табе з верай прыносім. Праз Хрыста, Пана нашага.

С. Людміла Леўдаровіч MChR