Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Святая Адэлаіда
Святая АдэлаідаНарадзілася ў 931 або ў 933 г. у Бургундыі (Францыя). Ужо ў дзяцінстве па волі бацькі, бургундскага караля Рудольфа ІІ, была заручаная з італьянскім каралём Лотарам ІІ. Ва ўзросце 16 гадоў выйшла за яго замуж, але ўжо праз 3 гады аўдавела. З-за пагрозы ад прэтэндэнтаў на трон была вымушана звярнуцца па абарону да будучага імператара Аттона І, за якога ў 951 г. выйшла замуж.

У 962 г. у Рыме Папа Ян ХІІ каранаваў іх абоіх імператарскімі каронамі. Пасля смерці Аттона І Адэлаіда шмат гадоў адстойвала дзяржаўныя інтарэсы, мудра карыстаючыся сваім уплывам і сувязямі, але з-за непаразуменняў з сынам, імператарам Аттонам ІІ, і яго жонкаю адышла ад справаў. Апошнія гады жыцця правяла ў заснаваным ёю кляштары ў Эльзасе (Францыя). Адэлаіда заснавала шмат іншых кляштараў, падтрымлівала клюнійскую рэформу, фінансавала касцёльныя ўстановы. Яна памерла 16 снежня 999 г. і праз сто гадоў пасля смерці была кананізавана. Яе рэліквіі ўшаноўваюць шматлікія пілігрымы.

Успамін: 16 снежня
Адноўлена 15.07.2009 17:39
 

Пры выкарыстанні матэрыялаў сайта спасылка на Catholic.By абавязкова.