1 чэвеня адзначаецца Міжнародны дзень абароны дзяцей. З гэтай нагоды ў Гродзенскай дыяцэзіі сёння ўпершыню праходзіць Дыяцэзіяльны дзень дзіцяці пад назвай «Засей зерне любові».

Сёння па краіне адбудуцца шматлікія акцыі, у тым ліку і дабрачынныя. Сярод іх — канцэрт «У абарону жыцця», які пройдзе ў абарону ненароджаных дзяцей у Мінску.

Міжнародны дзень абароны дзяцей быў устаноўлены ў 1949 г. па рашэнні сесіі Міжнароднай дэмакратычнай федэрацыі жанчын. Праз сорак год, у 1989 г.,  Генеральная асамблея ААН зацвердзіла Канвенцыю аб правах дзіцяці.