26 лістапада падчас візіту ў Вялікабрытанію Мітрапаліт Мінска-Магілёўскі арцыбіскуп Тадэвуш Кандрусевіч наведаў Тэалагічны інстытут у Бірмінгеме.
Інстытут, зацверджаны Кангрэгацыяй каталіцкага выхавання і семінарый, практыкуе дыстанцыйнае навучанне. Акрамя звання бакалаўраў, яго выпускнікі могуць атрымаць тут дыпломы магістраў, а таксама абараніць ліцэнцыят і дактарат.
Беларускі іерарх зазначыў, што досвед інстытута ў Бірмінгеме можа быць каштоўным для арганізацыі дзейнасці будучай Тэалагічнай акадэміі імя св. Яна Паўла ІІ у Мінску.
У другой палове дня арцыбіскуп Тадэвуш Кандрусевіч сустрэўся з кіраўніцтвам інстытута, якое выказала зацікаўленасць праектам Тэалагічнай акадэміі ў Мінску і гатоўнасць дапамагаць у арганізацыі навучальнага працэсу.
(JLS)
Таксама па тэме: