8 мая 2011 г. у мінскім архікатэдральным касцёле Імя Найсвяцейшай Панны Марыі (пл. Свабоды, 9) адбудуцца святыя Імшы падзякі за беатыфікацыю Яна Паўла ІІ. Літургіі распачнуцца ў 11.30 і 13.00, а ўзначаліць іх Мітрапаліт Тадэвуш Кандрусевіч.

Падобная Імша (пасля аб’яўлення Яна Паўла ІІ благаслаўлёным) адбылася 1 мая ў рымскай базыліцы Санта Марыя Маджорэ ў Рыме. Тады на супольнай малітве сабраліся каля 250 пілігрымаў з Беларусі.