Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Велікодныя віншаванні біскупа Пінскага Антонія Дзям’янкі
Іерархі
30.03.2013 09:57

Тэкст віншавання на польскай мове >>>

Вялікдзень 2013 г.

І на трэці дзень уваскрос, паводле Пісання,
і ўзышоў на неба, сядзіць праваруч Айца.
І зноў прыйдзе судзіць жывых і памерлых,
і Яго валадарству не будзе канца
.

«Credo»

Дарагія дыяцэзіяне,
душпастыры, кансэкраваныя асобы і людзі добрай волі!

Прыношу вам свае сардэчныя пажаданні з нагоды велікодных святаў і на наступныя дні Года веры, які мы цяпер перажываем.

Хрыстус памёр за нашыя грахі, быў пахаваны і ўваскрос на трэці дзень! Няхай гэтая Добрая Навіна, перададзеная нам, напаўняе сэрцы радасцю і асвячае кожны дзень пілігрымавання па шляху веры.

Сярод пераследаванняў свету і Божых радасцяў Касцёл ідзе наперад у гэтай пілігрымцы, абвяшчаючы крыжовую смерць Пана, пакуль не прыйдзе да Божага Валадарства. Ён умацоўваецца сілаю ўваскрослага Пана, каб усе свае нягоды і цяжкасці — як унутраныя, так і знешнія — перамагаць цярплівасцю і любоўю, а таямніцу Хрыста, хоць і пад прыкрыццём, усё ж верна абвяшчаць у свеце, пакуль яна ўрэшце не раскрыецца ў поўным святле (пар. Апостальскі ліст Бэнэдыкта XVI Porta fidei, 6).

У таямніцы смерці і ўваскрасення Езуса Бог аб’явіў паўнату любові, якая збаўляе. Дзякуючы веры, гэтае новае жыццё фармуе ўсю чалавечую экзістэнцыю (пар. Porta fidei, 6), і ўваскрасенне Хрыста становіцца найвышэйшаю праўдаю нашай веры (пар. ККК 638).

Уваскрослы Пан збірае нас каля сябе, каб благаславіць нас і ўмацаваць нашую веру ў Яго перамогу над грахом і смерцю. Мы прыходзім да Яго пустой магілы і з вераю вызнаем, што «Пан сапраўды ўваскрос» (Лк 24, 34).

Няхай у эўхарыстычнай супольнасці нас суправаджае глыбокая вера ў Яго жывую прысутнасць, няхай яна яднае нас і ўмацоўвае ўзаемна ў супольным будаванні Божага Валадарства.

У супольнасці паўсюднага Касцёла з папам Францішкам мы вызнаем, што Збаўца жыве. Мы таксама разам цешымся прысутнасці Хрыста ў сабе і вакол сябе. Разам праслаўляем Яго і дзякуем, што Ён ёсць заўсёды.

Няхай святло пасхальнай ночы асвятляе нашае жыццё, напаўняе яго радасцю, распальвае ў сэрцах любоў і ўмацоўвае веру, каб мы разам з Апосталамі маглі несці ўсяму свету Радасную Навіну.


Мае дарагія!

Велікодныя святы, якія мы цяпер перажываем, асаблівыя для Касцёла Пінскай дыяцэзіі, бо ў гэтым годзе спаўняецца 75-годдзе кананізацыі святога Андрэя Баболі. Гэты апякун Палесся, апякун пінскага Касцёла, закатаваны казакамі, даў сведчанне Уваскросламу Пану, не толькі старанна навучаючы тагачасных жыхароў Палесся праўдам святой веры, бо мучаніцкай смерцю ён пацвердзіў праўдзівасць таго, што абвяшчаў вуснамі пра Хрыста, заснавальніка адзінага Касцёла.

Кананізацыя адбылася ў Рыме ў першую нядзелю пасля Вялікадня, 17 мая 1938 г. Нашая падзяка Богу і Апостальскай Сталіцы за кананізацыю святога Андрэя Баболі запланавана на 15 мая 2013 г. у Пінску, адкуль святы вырушыў у сваё апошняе падарожжа веры, а таксама на 16 мая ў Іванаве, дзе ён прыняў мучаніцкую смерць.

Сардэчна запрашаю да ўдзелу ў святкаванні перамогі гэтага Волата веры.

З велікодным прывітаннем:
Хрыстус сапраўды ўваскрос! Аллелюя!

+ Антоні Дзям’янка,
біскуп Пінскі

Пінск, Вялікдзень 2013 г.

 

Пры выкарыстанні матэрыялаў сайта спасылка на Catholic.By абавязкова.

Спасылкі па тэме

Іерархі

01.07 10:47Біскуп Антоні Дзям’янка ў Будславе: «Не варта рабіць з Марыі “краму” для спаўнення жаданняў»
28.06 12:22Паведамленне біскупа Пінскага Антонія Дзям’янкі з нагоды благаслаўлення вуглавога каменя пад новы касцёл Насвяцейшага Сэрца Езуса ў Брэсце
24.06 20:47Беларуская дэлегацыя прыняла ўдзел у біскупскім пасвячэнні кс. Віталія Крывіцкага SDB
19.06 09:58Фотафакт. Апостальскі Нунцый Габар Пінтэр наведаў парафію ў Асіповічах
16.06 11:43Мітрапаліт Кандрусевіч прыняў удзел у міжнародным форуме на тэму барацьбы з карупцыяй
12.06 12:30Паведамленне біскупа Пінскага Антонія Дзям’янкі з нагоды святкавання 400-годдзя асвячэння касцёла ў Ружанах
12.06 08:55Заклік біскупа Аляксандра Яшэўскага да вернікаў Магілёўскага рэгіёна да ўдзелу ў працэсіі Божага Цела
10.06 00:04Адкрыты ліст Мітрапаліта Тадэвуша Кандрусевіча лаўрэату Нобелеўскай прэміі спадарыні Святлане Алексіевіч
24.05 12:27Мітрапаліт Кандрусевіч прымае ўдзел у пасяджэнні італьянскага епіскапату
16.05 13:52«Уражвае дабрыня мясцовых вернікаў»: Апостальскі Нунцый падсумаваў візіт у Віцебскую дыяцэзію