Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Кардынал Кох аб праблемах сучаснага экуменізму
Рымская курыя
26.01.2012 13:54

«Малітва ў экуменізме заўсёды была значнай. Другі Ватыканскі Сабор назваў яе душой экуменізму. Сёння яна набывае асаблівае значэнне, паколькі сусветны экуменізм стаіць перад новымі праблемамі», — адзначыў кардынал Курт Кох, з нагоды завяршэння Тыдня малітваў за адзінства хрысціянаў.

Прычыны занепакоенасці старшыня Папскай рады спрыяння хрысціянскаму адзінству патлумачыў у інтэрв’ю Ватыканскаму радыё. На думку іерарха, «у апошнія гады і дзесяцігоддзі хрысціяне згубілі мэту экуменічнага руху».

«Розныя Касцёлы і касцёльныя супольнасці ўжо не маюць ранейшых імкненняў, — адзначыў кардынал Кох. — Думаю, што сёння трэба вярнуцца да гэтай праблемы і запытаць у саміх сябе, чаго насамрэч жадаем. Для нас, католікаў, як і для праваслаўных, канчатковай мэтай з’яўляецца поўная еднасць у веры, сакрамэнтах і касцёльных служэннях. Адзінства з’яўляецца вымаганнем, якое нам паставіў сам Пан. Ён маліўся, каб мы былі адно, каб свет паверыў. І менавіта таму для экуменізму няма альтэрнатывы».

 

Пры выкарыстанні матэрыялаў сайта спасылка на Catholic.By абавязкова.