Зорка аргенцінскага футбола Ліанэль Мэсі і яго калегі надаюць вялікае значэнне духоўнай дапамозе падчас Чэмпіянату свету па футболе, які 12 чэрвеня распачнецца ў Бразіліі. Як паведамляе аргенцінская прэса, нацыянальную каманду будзе суправаджаць кс. Хуан Хосе Мэдзіна.

Спартсмены добра ведаюць 55-гадовага святара. З  1997 года па просьбе Аргенцінскай федэрацыі футбола AFA, у трэніровачным цэнтры „Albiceleste” у Азэйзе, недалёка ад міжнароднага эарапорту Буэнас-Айрэса, ён служыць у капліцы св. Францішка з Асізі. Два разы на тыдзень святар сустракаецца са спартсменамі розных узроставых груп і супрацоўнікамі.

«Папа Францішак ведае пра тое, што рабіць, бо гэта ён прызначыў мяне да служэння ў гэтай капліцы.Тады я павінен быў праінфармаваць аб гэтым касцёльную ўладу, якую прадстаўляў на той час кардынал Хорхе Марыё Берголіо, цяперашні Папа».— сказаў святар для газеты «La Nacion». Таксама святар паведаміў, што суправаджаць зборную на чэмпіянаце ён будзе ўпершыню. «Гэта выдатны вопыт, што я змагу быць і падтрымліваць кожную хвіліну», — паведаміў душпастыр.