Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Пажаданні біскупа Аляксандра Кашкевіча з нагоды ўрачыстасці Уваскрасення Пана 2016 г.
25.03.2016 00:00

Тэкст на польскай мове>>>

Умілаваныя ў Хрысце Пану браты і сёстры!
Дарагія дыяцэзіяне!

У свята Уваскрасення Пана ў нашых святынях гучыць радасны спеў «Аллелюя!». З вуснаў і сэрцаў вернікаў плывуць словы старажытнай песні: «Вясёлы дзень для нас настаў!» Раскалыханыя званы на касцёльных вежах абвяшчаюць усяму свету Добрую Навіну, што Езус Хрыстус сапраўды ўваскрос. Пасля цяжкасцяў мукі, пасля таго, як памёр на крыжы і быў пакладзены ў магілу, наш Збаўца ўстаў з мёртвых і яснее бляскам сваёй боскай хвалы.

Хвалебная перамога Хрыста над смерцю — гэта аснова нашай хрысціянскай надзеі. Гэтую надзею не здольны перамагчы ніякі смутак, неспакой, цярпенні нашага зямнога жыцця. Таму што мы верым: уваскрослы Збаўца жывы і Ён з намі ва ўсе дні, ажно да сканчэння свету. Мы верым, што Ён вядзе нас па дарогах штодзённасці ў тую айчыну, дзе няма смерці, дзе пануе вечная радасць. Таму ва ўсіх выпрабаваннях і перажываннях «мы атрымліваем поўную перамогу праз таго, хто палюбіў нас» (Рым 8, 37).

У моцы і радасці ўваскрослага Хрыста шлю вам, дарагія браты і сёстры, мае сардэчныя пажаданні. Няхай велікодныя святы будуць благаслаўлёным часам для кожнага з вас. Няхай у Пасхальнай таямніцы Хрыста новым бляскам заззяе праўда аб Богу, багатым на міласэрнасць, які так «палюбіў свет, што аддаў Сына свайго Адзінароднага, каб кожны, хто верыць у Яго, не загінуў, але меў жыццё вечнае» (Ян 3, 16). Няхай гэтая праўда веры напоўніць вашыя сэрцы радасцю, даверам, супакоем і мужнасцю.

Кожнага з вас я ахінаю сваёй малітвай, жадаю здароўя і шчодрых ласкаў ад уваскрослага Пана і ад усяго сэрца б л а г а с л а ў л я ю

Аляксандр Кашкевіч
Біскуп Гродзенскі

Гродна, 21 сакавіка 2016 г.

Просім шаноўных пробашчаў і адміністратараў Гродзенскай дыяцэзіі прачытаць пажаданні біскупа Аляксандра Кашкевіча ва ўрачыстасць Уваскрасення Пана ва ўсіх касцёлах Гродзенскай дыяцэзіі.


Адноўлена 26.03.2016 15:50
 

Пры выкарыстанні матэрыялаў сайта спасылка на Catholic.By абавязкова.

Пастырскія лісты біскупаў

03.05 06:19Пастырскае пасланне арцыбіскупа Тадэвуша Кандрусевіча на Дзень малітваў аб пакліканнях
17.09 14:52Прывітальны ліст біскупа Аляксандра Кашкевіча да арганізатараў і ўдзельнікаў ХІІ Нацыянальнага турніру па міні-футболе памяці св. Яна Паўла ІІ
02.07 00:27Прывітальнае слова Яго Эксцэленцыі арцыбіскупа д-ра Габара Пінтэра, тытулярнага біскупа Вэлебусдо, Апостальскага Нунцыя ў Беларусі
04.04 18:05Паведамленне біскупа Аляксандра Кашкевіча аб зборы ахвяраванняў для жыхароў Украіны
25.03 12:39Велікоднае пасланне біскупа Алега Буткевіча
25.03 00:31 Пажаданні біскупа Аляксандра Яшэўскага SDB на Вялікдзень 2016 г.
25.03 00:00Пажаданні біскупа Аляксандра Кашкевіча з нагоды ўрачыстасці Уваскрасення Пана 2016 г.
24.03 13:21Віншаванні біскупа Антонія Дзям’янкі на Вялікдзень 2016 г.
21.03 18:02Пастырскае пасланне Мітрапаліта Тадэвуша Кандрусевіча на Вялікдзень 2016 г.
02.02 11:00Пастырскі ліст біскупа Аляксандра Кашкевіча з нагоды святкавання 25-годдзя Гродзенскай дыяцэзіі