Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Навіна пра пахаванні дзяцей у каталіцкім прытулку Ірландыі — маніпуляцыя. Чаму важна правяраць інфармацыю?
Публіцыстычная старонка Аляксандра Гелагаева
06.03.2017 12:06

«У Ірландыі мясцовыя ўлады выявілі масавае пахаванне дзяцей на тэрыторыі былога каталіцкага прытулку ў ваколіцах горада Туам», — паведаміла 5 сакавіка «Наша Ніва», цытуючы The Guardian. Шукаючы пацвярджэнне гэтаму факту, знаходзіш цікавыя нюансы...

Адкуль «растуць ногі»?

Паведамленне сапраўды шырока разляцелася па свеце, аднак, мае крыніцу яшчэ трохгадовай даўніны — яшчэ летам 2014 года СМІ (у тым ліку каталіцкія) паведамлялі, што на тэрыторыі ўстановы, якая існавала з 1925 па 1961 год, паміралі дзеці, і амаль усе з іх былі пахаваныя ў агульных магілах.

Пра гэты і аналагічныя выпадкі пісалі catholicworldreport.com, irishcatholic.ie і irishtimes.com.

Але ўсё яшчэ цікавей: гэтая статыстыка смяротнасці ніколі не была сакрэтнай, бо прытулак атрымліваў дапамогу ад дзяржавы і рэгулярна паведамляў пра ўсё мясцовым уладам.



Менавіта дзякуючы працы з дакументамі ў мясцовым архіве гісторык-краявед Кэтрын Корлес падлічыла колькасць дзяцей, якія памерлі ад хваробаў у прытулку за 36 гадоў — 796. Большасць дзяцей памерла ва ўзросце да аднаго года.

Чым жа займаўся каталіцкі прытулак? Да яго па дапамогу звярталіся цяжарныя незамужнія жанчыны, якія баяліся асуджэння з боку бацькоў і грамадства за дашлюбнае дзіця. Звычайна яны нараджалі і сыходзілі, а дзеці заставаліся на гадаванне манахіням, якія паступова шукалі малым новыя сем’і.

Чаму трэба працаваць з дадзенымі?

Ці адрозніваецца смяротнасць у каталіцкім прытулку ў першай палове XX стагоддзя ад агульнай cмяротнасці ў беднай тады Ірландыі, якая толькі што перажыла вайну за незалежнасць, а потым і грамадзянскую вайну?

Сапраўды адрознівалася. Кожные трэцяе дзіця, народжанае незамужняй жанчынай у Ірландыі, у тыя часы памірала ў першы год жыцця, як сведчыць афіцыйны Registrar-General for Births, Deaths, and Marriages. Гэта прыкладна ў шэсць разоў вышэй за паказчык нараджальнасці ў жанчын, якія былі замужам афіцыйна.



У 1936 годзе ў Ірландыі на 1000 нараджэнняў прыходзілася 305 памерлых немаўлят, якія былі народжаны па-за шлюбам і 66 памерлых немаўлят, народжаных у шлюбе.

У тым жа 1936 годзе ў каталіцкім прытулку ў Туаме было каля 140 дзяцей. За гэты год у прытулку памерла 46 дзяцей — гэта самая вялікая колькасць памерлых у прытулку з 1925 па 1942 год.

Аднак, насамрэч атрымліваецца, што дзіцячая смяротнасць у прытулку нават у такі анамальны па смяротнасці год прыкладна адпавядае агульнанацыянальнаму сярэдняму ўзроўню.

Возьмем 1947 год, калі ў прытулку памерла 52 дзіцяці, — гэта сумны «рэкорд» за ўсю гісторыю гэтай ўстановы. Але гэта на тысячу чалавек менш, чым сярэдні агульнанацыяльны  ўзровень смяротнасці пазашлюбных дзяцей у Ірландыі за 1947 год.

Яшчэ больш дадзеных у графіках››

Улічваючы той факт, што прытулак павядамляў дзяржаве пра дзіцячую смяротнасць, а дактары і прыватныя асобы часта ад гэтага ўхіляліся, каб уратаваць дзяўчыну «ад ганьбы», узровень смяротнасці пазашлюбных немаўлят у Ірландыі дакладна вышэйшы за той, які фіксавалі ў каталіцкім прытулку.

Вось так гісторыю пра небагаты каталіцкі прытулак для незамужніх дзяўчат і іх дзяцей, які хаваў памерлых немаўлят у братняй магіле, не маючы сродкаў на месца для паўнавартасных пахаванняў, становіцца маніпуляцыяй з боку журналістаў.

Некаторыя з міжнародных СМІ, будучы прыхільнікамі пераважна антыкаталіцкіх лева-ліберальных поглядаў, зрабілі такім чынам «сенсацыю» пра «масавае знішчэнне» дзяцей у каталіцкім прытулку. Таму заўсёды правярайце інфармацыю, якую чытаеце.

Cпецыяльна для Catholiс.by дапоўніў Аляксандр Гелагаеў
Скарочаны варыянт першапачаткова апублікаваны на nn.by

 

Пры выкарыстанні матэрыялаў сайта спасылка на Catholic.By абавязкова.

Публіцыстычная старонка Аляксандра Гелагаева

06.03 12:06Навіна пра пахаванні дзяцей у каталіцкім прытулку Ірландыі — маніпуляцыя. Чаму важна правяраць інфармацыю?
02.09 10:0010 цытат пра Маці Тэрэзу ад людзей, якія з ёй сустракаліся
10.08 09:00Татуіроўкі, Стары Запавет і хрысціянскі розум. Ці варта католікам рабіць тату?
02.08 13:32Тры прычыны, чаму «Вікінгі» — самы цікавы тэлесерыял для верніка
28.06 09:00Мастацтва публічнай палемікі і святы Тамаш Аквінскі
20.06 10:00Конрад Адэнаўэр: католік, які стварыў дэмакратычную Германію
05.04 00:01Апостал хрысціянскага патрыятызму: благаслаўлёны кардынал Клеменс фон Гален
16.03 17:54Дзень cвятога Патрыка — свята радасці і хрысціянскага патрыятызму
27.01 00:00Еўропа і мігранты: паміж «Кёльнам» і добрым самаранінам
13.01 16:08Бацькоўства, адказнасць, гонар — каталіцкі біскуп з ЗША звярнуўся з кароткім фільмам да мужчын