Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Нацыянальны «Карытас» распачынае праект «Перш за ўсё сям’я, правы дзіцяці — зараз!»
Дабрачыннасць
10.04.2013 13:49

Старт праекта адбудзецца ў Вене 15-18 красавіка, дзе пройдзе першая канферэнцыя для прадстаўнікоў Беларусі, Украіны і Малдовы. Праект «Перш за ўсё сям’я, правы дзіцяці — зараз!» разлічаны на спецыялістаў у сферы абароны дзяцей менавіта з гэтых трох краін.

Кожная з пералічаных краін падпісала і ўзгадніла Канвенцыю ААН па правах дзіцяці, а таксама распрацавала лакальныя планы дзеяння.

Праект стартаваў у студзені 2013 года. Накіраваны ён на дзяржаўныя і недзяржаўныя арганізацыі і прадстаўляе розныя інавацыйныя мадэлі для рэалізацыі Канвенцыі аб правах дзіцяці і непасрэдна правоў чалавека.

Праект разлічаны перш за ўсё на каардынатараў праграм і супрацоўнікаў устаноў, якія працуюць у сферы абароны правоў дзіцяці, і потым, дзякуючы набытым ведам, змогуць працягваць рэалізацыю сваіх праграм у адпаведнасці з міжнароднымі стандартамі.

Большасць дзяцей, пра якіх клапоцяцца партнёры праекта, з’яўляюцца членамі сацыяльных груп, правамі якіх часта пагарджаюць: дзеці-інваліды, дзеці з бедных сем’яў, дзеці вуліцы і дзеці эмігрантаў.

У першай канферэнцыі праекта прымуць удзел дырэктар Нацыянальнага «Карытас» (дабрачыннае каталіцкае таварыства) кс. Віктар Гайдукевіч SDB, каардынатар праекта ў Беларусі Юлія Сліж, кіраўнік і аўтар шэрагу праектаў па сацыяльнай абароне дзяцінства пры Дзіцячым Фондзе ААН ЮНІСЭФ Галіна Бядуліна і старшыня ўпраўлення Гарадскога Грамадскага Аб’яднання «Дзеці — не для насілля» Маргарыта Прахіна.

Падчас стартавай працоўнай паездкі аўстрыйскія калегі падзеляцца з удзельнікамі вопытам і тэарэтычнымі ведамі.

Ганна Страшкевіч

 

Пры выкарыстанні матэрыялаў сайта спасылка на Catholic.By абавязкова.

Спасылкі па тэме

Дабрачыннасць

17.10 18:02«Прыдумай налепку для свечкі»: «Карытас» Мінска-Магілёўскай архідыяцэзіі праводзіць конкурс на лепшы дызайн
07.10 16:45Валанцёры «Чыстага сэрца» прынялі ўдзел у запісе перадачы «Для тых, хто дома» на «Беларускім радыё»
01.10 15:11У Івянцы асвяцілі будынак парафіяльнага цэнтра «Карытас»
30.08 11:56«Карытас» правёў у Бабруйску акцыю «Дапаможам дзецям сабрацца ў школу»
24.08 15:55Дабрачыннае таварыства «Карытас» арганізавала для дзяцей адпачынак у Бельгіі
25.07 13:39Аршанскі мясакансервавы камбінат ахвяраваў дзіцячае харчаванне «Карытас» Мінска-Магілёўскай архідыяцэзіі
06.04 09:48Дзень «Caritas» Гродзенскай дыяцэзіі прайшоў у Астраўцы
06.04 09:15«Caritas» Мінска-Магілёўскай архідыяцэзіі завяршыў першы этап дабрачыннай акцыі «Святло Міласэрнасці»
28.03 15:27Дабрачынную акцыю арганізавала на Вялікдзень «Caritas» Віцебскай дыяцэзіі
05.03 17:19Валанцёры «Caritas» і «Віцебскія дзяўчаты» наведалі Віцебскі дом-інтэрнат для састарэлых і інвалідаў