Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Зацемка
  • Simple Image Gallery Notice: Joomla!'s "/cache" folder is not writable. Please correct this folder's permissions, clear your site's cache and retry.
  • There was a problem rendering your image gallery. Please make sure that the folder you are using in the Simple Image Gallery plugin tags exists and contains valid image files.
Памылка
  • JFolder::files: Шлях не з'яўляецца дырэкторыяй: /h/catholicby/htdocs/2/images/simplegallery/2013-02-20-luchaj/
Папа ў Лучаі: фотафакт
Беларусь - Віцебская дыяцэзія
21.02.2013 18:09

Калі ў 2008-м годзе пробашч парафіі Cв. Юды Тадэвуша ў Лучаі кс. Мікалай Ліпскі толькі задумваў усталяваць у парафіі помнік Бэнэдыкту XVI, наўрад ці ён мог падумаць, што сціплы помнік Пантыфіку — адданасць беларускага Касцёла Святому Айцу — зробіць беларускі Лучай вядомым на ўвесь свет.

Святарская ініцыятыва — помнік Бэнэдыкту XVI стаў таксама знакам удзячнасці ад святароў, якія атрымалі прэзбітарскае пасвячэнне падчас Пантыфікату Яго Святасці — была паспяхова рэалізаваная. Помнік быў выраблены ўсяго за два месяцы!

У першыя дні пасля адкрыцця незвычайнай скультуры Лучай застракатаў у інфармацыйных лентах беларускіх і замежных СМІ: прычым нездарма — помнік, усталяваны ў гонар дзеючага Папы Рымскага, стаў першым у свеце.

Бетонны помнік, выраблены мінскім скульптарам Львом Аганавым, усталяваны на вышыні крыху больш за 4 метры на пастаменце з гербам Святога Айца і мае натуральныя памеры чалавека.

{gallery}2013-02-20-luchaj{/gallery}

Велічную скульптуру асвяцілі напярэдадні прыезду ў Беларусь дзяржаўнага сакратара папы Бэнэдыкта XVI кардынала Тарчызіо Бэртонэ. Сам кардынал скульптуру, на жаль, не пабачыў. Аднак памятны фотаальбом з яе асвячэння атрымаў. Такі ж альбом тады перадалі і Папу.

Рэакцыя на помнік самога Бэнэдыкта XVI невядомая. Аднак, як зазначаюць у Лучаі, пра іх парафію Святы Айцец ведае: Папскую дыпламатычнаю акадэмію ў свой час скончыў іх зямляк кс.-др Аляксандр Рагіня.

Лучай і помнікі

Помнік Бэнэдыкту XVI натхніў пробашча Мікалая Ліпскага на ўзвядзенне паблізу святыні і іншых скульптур. У прыватнасці, плануецца, што ля касцёла будуць узведзены фігуры дванаццаці апосталаў, а таксама створана барэльефнае Евангелле, «прачытаць» якое можна будзе ў абразах у старой касцёльнай агароджы.

Як прызнаецца пробашч парафіі ў Лучаі, цікавасць да гэтай вёскі ў Пастаўскім раёне з кожным годам расце. Толькі за мінулы год касцёл у Лучаі наведала больш за восем тысяч (!) турыстаў.

Прычым прыязджаюць паглядзець не толькі на першы ў свеце помнік Бэнэдыкту XVI (барэльефы з выявай Папы ў свеце ўжо існуюць), аднак і на штомесячныя парафіяльныя святы, адметнасцю якіх сталі канцэрты з удзелам беларускіх гуртоў.

«Што да іншых помнікаў, то ёсць яшчэ адна ідэя, — усміхаецца кс. Мікалай Ліпскі. — Было б вельмі добра паставіць у Лучаі помнік Міхаілу Клеафасу Агінскаму, яго бабуля Альжбета дапамагала ў будаўніцтве нашай святыні. Але не будзем загадваць».

Ілья Лапато OCDS

 

Пры выкарыстанні матэрыялаў сайта спасылка на Catholic.By абавязкова.

Спасылкі па тэме

Беларусь - Віцебская дыяцэзія

27.06 08:50Біскуп Алег Буткевіч памаліўся за ахвяраў Беразвецкай трагедыі
26.06 16:36У Віцебску прайшла міжнародная канферэнцыя на тэму духоўнай спадчыны Францішка Скарыны
26.06 14:17«Горад Скарыны вачыма мастакоў»: у Віцебску адкрылася выстаўка да 500-годдзя беларускай Бібліі
20.06 10:33Упершыню ў Будслаў ладзіцца пілігрымка для людзей з алкагольнай і наркатычнай залежнасцямі
14.06 12:49На Браслаўшчыне знайшоўся старадаўні абразок з малітвай на беларускай лацінцы
13.06 16:48«Мы танцавалі ў гэтым клубе на выпускным, а сёння тут касцёл»: у Віцебску асвяцілі касцёл св. Антонія
12.06 15:05Сведчанне веры: працэсія Божага Цела прайшла вуліцамі Віцебска
12.06 10:14У Віцебску абмеркавалі праблемы ўрачэбнай этыкі
05.06 17:35Брат Канстанцін Гушча МІС з Наваполацка атрымаў дыяканскае пасвячэнне
02.06 08:48Беларус Яўген Жукоўскі прыняў дыяканскае пасвячэнне ў супольнасці сальватарыянаў