У калядны час удзельнікі фестывалю “Дні хрысціянскай культуры ў Віцебску” падрыхтавалі імпрэзу п’есы “Ноэмі шукае шлях да пячоры”. Юныя акцёры з парафіі Наведзінаў Найсвяцейшай Панны Марыі ў г. Гарадок прывезлі паказаць спектакль маленькім пацыентам Віцебскай абласной дзіцячай клінічнай бальніцы.

Рэжысура спектакля вырашана ў стылі народнай батлейкі. Законныя сёстры  і маленькія парафіяне імкнуліся перадаць мастацкімі сродкамі абвяшчэнне Радаснай Весткі: “Збаўца нарадзіўся!”  

Ксёндз Адам Дынак распавёў дзецям аб Божым Нараджэнні, падрыхтаваў калядныя ласункі.

Ад імя медыкаў бальніцы намеснік галоўнага ўрача Ірына Юніс падзякавала святару, сёстрам законным і маленькім парафіянам за ўвагу, добразычлівасць і неабыякавасць да сваіх аднагодкаў, якія падчас святаў неспадзявана апынуліся на бальнічным ложку.

Барбара Сіпайла