Ватыканскае выданне «L’Osservatore Romano» інфармуе аб мерапрыемствах, прысвечаных 100-годдзю з дня нараджэння 263-га наступніка св. Пятра — Яна Паўла І. У лістападзе 2003 года распачаўся беатыфікацыйны працэс гэтага Папы.

Пантыфікат Яна Паўла І быў вельмі кароткім — 33 дні. Аднак гэты час, як адзначае газета, «узрушыў свет». Спадчына Яна Паўла І абудзіла надзею, якую сам ён называў «усмешкай хрысціянскага жыцця».

Альбіна Лучані, будучы Пантыфік, нарадзіўся 17 кастрычніка 1912 г. у італьянскім Форна ды Канале (сёння Канале д’Агорда). У гэтыя дні вуліцы горада напаўняюць разьбяры з усіх бакоў свету, якія выконваюць сваю працу, рэалізуючы словы Яна Паўла І, сказаныя падчас яго біскупскага візіту сюды ў 1959 г.: «Я той, хто калісьці быў малым».

26 жніўня, у нядзелю, адбудуцца ўрачыстасці, прысвечаныя 34-й гадавіне абрання Яна Паўла І на Святы Пасад, а 28 верасня — успамін гадавіны смерці Папы. У гэты ж дзень адбудзецца малітва ля месца пахавання Пантыфіка ў Ватыканскіх гротах. 13 кастрычніка пройдзе сустрэча, прысвечаная Яну Паўлу І, у Нью-Ёрку, а 17 кастрычніка — адкрыццё прысвечанага яму музея і навуковага цэнтра.