Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Прадстаўнік Ватыкана: маральны рэлятывізм у Еўропе пагражае свабодзе сумлення
Рымская курыя
17.01.2013 14:09

«Існуе рэальная пагроза, што маральны рэлятывізм, які разумецца як новая норма грамадскага жыцця, будзе ўсё больш падрываць фундамент свабоды сумлення і веравызнання», — так пракаментаваў сакратар па адносінах з дзяржавамі Дзяржсакратарыяту Ватыкана арцыбіскуп Дамінік Мамбэрці нядаўнія абмеркаванні ў Еўрапейскім судзе па правах чалавека адносна рэлігійнай дыскрымінацыі.

Па словах прадстаўніка Апостальскай Сталіцы, пытанні свабоды сумлення і веравызнання вельмі складаныя ў еўрапейскім грамадстве, дзе ўсё больш назіраецца разнароднасць рэлігій і ўзрастанне секулярызацыі.

«Касцёл жадае бараніць свабоду сумлення і веравызнання ў любых абставінах», — падкрэсліў арцыбіскуп, словы якога прыводзіць польская рэдакцыя Ватыканскага радыё. Гэтая свабода, дадаў іерарх, «не з’яўляецца перашкодай у будаванні талерантнага плюралістычнага грамадства, а наадварот — яго ўмовай».  

(AG)

 

Пры выкарыстанні матэрыялаў сайта спасылка на Catholic.By абавязкова.

Спасылкі па тэме