6 верасня ў Смаргоні вечныя манаскія абяцанні склаў семінарыст Алег Каралёў SDB. Пра тое, як гэта адбывалася, у відэасюжэце ад салезіянскай моладзі — Уладзіслава Зарэцкага і Кацярыны Мальцавай.
На ўрачыстасць сабралася ўся салезіянская сям’я з розных куткоў Беларусі, а таксама з Расіі і Італіі. Святую Імшу ўзначаліў рэгіянальны настаяцель Рэлігійнай каталіцкай місіі «Таварыства св. Францішка Сальскага» ў Беларусі кс. Віктар Гаўдукевіч SDB, які ад імя Генеральнага настаяцеля прыняў вечныя манаскія абяцанні семінарыста.
«Дзякуем Пану Богу! Гэтыя словы хочацца крычаць і паўтараць. Дзякаваць за пакліканне семінарыста Алега і яго мужнае рашэнне ахвяраваць сябе Богу ў Таварыстве св. Францішка Сальскага,» – сказаў у гаміліі кс. Віктар Гайдукевіч. Святар нагадаў, што зараз салезіянская сям’я адзначае гадавіну перэгрынацыі рэліквій св. Яна Боско і распачынае юбілейны год святкавання 200-годдзя з дня нараджэння святога, і гэтае пакліканне і жаданне Алега Каралёва навекі і дарэшты быць Божым і служыць салезіянскай супольнасці - падарунак св. Яна Боско, плён яго прысутнасці сярод вернікаў.
6 верасня ў Смаргоні вечныя манаскія абяцанні склаў семінарыст Алег Каралёў SDB. Пра тое, як гэта адбывалася, у відэасюжэце ад салезіянскай моладзі — Уладзіслава Зарэцкага і Кацярыны Мальцавай. 
для друку
