Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Каталіцкі «Малітоўнік» для смартфонаў створаны ў Беларусі
Беларусь
24.01.2015 01:24

Моладзь з мінскай парафіі Беззаганнага Зачацця Найсвяцейшай Панны Марыі ў мікрараёне Сухарава пад кіраўніцтвам вікарыя парафіі а. Андрэя Сідаровіча MIC распрацавала мабільную версію каталіцкага малітоўніка для смартфонаў.

Зручны для кожнага верніка «малітоўнік» можна запампаваць у свой смартфон на Google Play (праз пошук слоў «Малитовник» або «Молитвенник Католический» ці праз увод QR-код) ці праглядзець на сайце парафіі.

Новы App у смартфоне дазваляе карыстацца афіцыйнымі малітвамі Касцёла і мець доступ да штодзённых літургічных чытанняў праз смартфон і планшэт. Тэксты пададзены з дазволу афіцыйнага інтэрнэт-партала Канферэнцыі Каталіцкіх Біскупаў www.catholic.by.



Сярод дасяжных малітваў — літаніі, малітвы ў розных патрэбах, чытанні дня, малітвы на працягу дня, малітвы да Маці Божай, малітвы да святых, малітвы на кожны дзень, набажэнствы літургічнага года і малітвы на лацінскай мове.

(IL)

 

Пры выкарыстанні матэрыялаў сайта спасылка на Catholic.By абавязкова.