15 жніўня 2014 г., ва ўрачыстасць Унебаўзяцця Найсвяцейшай Панны Марыі, у аднайменнай гомельскай парафіі адбылася ўрачыстая Імша, якую ўзначаліў яе пробашч, дапаможны біскуп Пінскай дыяцэзіі Казімір Велікаселец.

Парафія Унебаўзяцця Найсвяцейшай Панны Марыі існавала ў Гомелі яшчэ з царскіх часоў, але ў 1940 г. касцёл у цэнтры горада ўзарвалі бальшавікі. Па ініцыятыве біскупа Казіміра Велікасельца знішчаную парафію аднавілі ў Савецкім раёне горада. Цяпер вырашаецца пытанне аб будаўніцтве святыні, а на гэты раз урачыстая Імша прайшла ў будынку пакуль адзінага ў Гомелі касцёла на вуліцы Савецкай.

У гаміліі біскуп адзначыў, што Унебаўзяцце Панны Марыі – Успенне – гэта “нядоўгі сон перад нараджэннем у новае жыццё”. “Таму не бойцеся смерці, а бойцеся граху, каб паўстаць перад Панам з чыстым сэрцам”, - заклікаў вернікаў іерарх.

Паводле гомельскага каталіцкага сайта

(AG)