Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Пяць юнакоў залічаны на першы курс Духоўнай семінарыі ў Пінску
Беларусь - Пінская дыяцэзія
11.07.2017 12:38

10 ліпеня ў Міждыяцэзіяльнай вышэйшай духоўнай семінарыі імя св. Тамаша Аквінскага ў Пінску прайшоў уступны экзамен для тых, хто прагне прысвяціць сваё жыццё служэнню Богу і людзям праз святарскую паслугу.

Кандыдаты на першы год навучання павінны былі паказаць свае веды па катэхізісу і агульным жыцці Касцёла, напісаць сачыненне на зададзеную тэму і прайсці кваліфікацыйную размову.

Па выніках экзамена новымі семінарыстамі сталі два кандыдаты з Мінска-Магілёўскай архідыяцэзіі (Ілья, Мінск) і тры з Пінскай дыяцэзіі (Баранавічы, Гомель, Пелішча). Супольнасць семінарыі заахвочвае падтрымаць новых навучэнцаў малітвай.

Тыя, хто адчувае голас паклікання да Божай службы, могуць звяртацца ў семінарыю, каб падаць дакументы на паступленне. Для іх уступны экзамен запланаваны на 10 жніўня 2017 года.

Арцём Кір’янаў

 

Пры выкарыстанні матэрыялаў сайта спасылка на Catholic.By абавязкова.