Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Біскуп Антоні Дзям'янка сустрэўся з удзельнікамі рэкалекцый у пінскай семінарыі
Беларусь - Пінская дыяцэзія
07.07.2017 15:18

7 ліпеня біскуп Пінскі Антоні Дзям’янка ўзначаліў святую Імшу для ўдзельнікаў рэкалекцый па распазнанні паклікання ў Міждыяцэзіяльнай вышэйшай духоўнай семінарыі св. Тамаша Аквінскага.

Паколькі другі дзень духоўных разважанняў, якія сёлета праводзіць кс. Павел Трон, праходзіць у першую пятніцу месяца, падчас гаміліі іерарх асабліва падкрэсліў важную ролю культу Найсвяцейшага Сэрца Пана Езуса ў жыцці верніка.

Біскуп Антоні Дзям’янка нагадаў, што сэрца — гэта цэнтр і сутнасць чалавечай істоты. Менавіта з яго паходзяць усе чалавечыя думкі і прагненні. Ардынарый заклікаў часцей узірацца ў зраненае Сэрца Бога, каб менавіта ў Ім адкрыць крыніцу ўсялякіх ласк.

Пасля святой Імшы іерарх сустрэўся з юнакамі, каб пазнаёміцца з кожным з іх і расказаць пра шлях уласнага паклікання. Сёлета на дні духоўных разважанняў прыехала 8 юнакоў з Віцебскай і Пінскай дыяцэзій а таксама Мінска-Магілёўскай архідыяцэзіі. Рэкалекцыі, у праграму якіх уключана штодзённая святая Імша, супольныя малітвы, канферэнцыі і адпачынак, працягнуцца да 9 ліпеня.

10 ліпеня адбудзецца першы тур уступных экзаменаў для тых кандыдатаў, якія хочуць звязаць сваё жыццё са святарскім служэннем. Прыём дакументаў у МВДС працягваецца да 10 жніўня. У гэты ж дзень адбудзецца другі тур уступных экзаменаў.



Арцём Кір’янаў, фота аўтара

Фотарэпартаж
 

Пры выкарыстанні матэрыялаў сайта спасылка на Catholic.By абавязкова.