Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Віртуальны музей кляштара картузіянцаў прэзентуюць у Бярозе
Грамадства
13.04.2016 16:51

У Бярозе (Брэсцкая вобласць) завяршаецца праца над стварэннем у Год культуры віртуальнага музея кляштара картузіянцаў XVII ст.

Аб гэтым карэспандэнту БЕЛТА паведаміла загадчык галерэі мастацтваў Бярозаўскага гісторыка-краязнаўчага музея Юлія Сычык. «Нам хочацца пазнаёміць з гісторыяй кляштара як мага больш людзей. Асабліва тых, у каго няма магчымасці наведаць Бярозу. Бо кляштар картузіянцаў з’яўляецца візітнай карткай горада. Нягледзячы на тое, што залы музея існуюць у віртуальнай прасторы, усе яго экспанаты рэальныя», – адзначыла загадчык галерэі мастацтваў.

Ад велічнага кляштара картузіянцаў, які з’яўляецца помнікам архітэктуры барока, у Бярозе захаваліся руіны і брама. Але ў аматараў гісторыі ёсць магчымасць пазнаёміцца з жыццём старажытнага кляштара. Інтэрнэт-карыстальнікам прапануецца прагуляцца па шасці залах віртуальнага музея кляштара.

Як і ў сапраўдным музеі, наведвальнікі змогуць не спяшаючыся пад аўдыёсуправаджэнне прайсціся па экспазіцыі, разгледзець экспанаты паблізу. Першая зала распавядае пра Бярозу ў складзе Вялікага княства Літоўскага, другая прысвечана гісторыі ордэну картузіянцаў, трэцяя – жыццю манахаў бярозаўскага кляштара. Таксама ў наведвальнікаў будзе магчымасць параўнаць, як выглядаў кляштар на пачатку ХХ ст. і зараз. У шостай зале размешчана віртуальная карцінная галерэя.

На стварэнне праекта аддзелу ідэалагічнай працы, культуры і па справах моладзі патрабавалася каля паўгода. У бліжэйшы час віртуальны музей будзе даступны ў інтэрнэце. Ён будзе размешчаны на сайце Бярозаўскага райвыканкама. Там жа будзе магчыма паглядзець 21-хвілінны відэаролік аб побыце картузіянцаў.

Паводле belta.by

(AG)

 

Пры выкарыстанні матэрыялаў сайта спасылка на Catholic.By абавязкова.

Грамадства

01.02 14:45Пад Кобрынам пройдзе II кангрэс медыкаў-хрысціян Усходняй Еўропы
20.10 15:26«Мой сябар Джэйсан»: прэм’ера монаспектакля на тэму інклюзіі прайшла ў мінскім Чырвоным касцёле
13.04 16:51Віртуальны музей кляштара картузіянцаў прэзентуюць у Бярозе
04.04 12:59«Адзіны спосаб выказаць любоў да мяне — судакрануцца падушачкамі пальцаў»: прэм’ера спектакля на тэму аўтызму прайшла ў Мінску
24.03 13:11Насельніцтва Астраўца з запускам Беларускай АЭС павялічыцца ў 2,7 разы
22.03 18:12Інклюзіўны фестываль творчасці дзяцей і моладзі «Фарбы жыцця» прайшоў у Мінску
11.03 10:23Бясплатная паслуга дзённага дагляду пажылых людзей з’явіцца ва ўсіх раёнах Мінскай вобласці
10.03 18:04У Мінску прайшла канферэнцыя на тэму смяротнага пакарання
18.12 21:36Місія «Чыстае сэрца» перад Божым Нараджэннем парадавала хлопчыкаў з Крывіцкага прафесійна-тэхнічнага вучылішча
13.08 16:25У Беларусі знізілася колькасць шлюбаў і разводаў