Вігілія Спаслання Духа Святога, 22 мая 2010 г. — важны дзень для Звяза скаўтаў імя св. Агнешкі ў парафіі Святога Апостала Андрэя ў Лынтупах (Віцебская дыяцэзія, Пастаўскі дэканат). Пасля ўрачыстай святой Імшы некалькі скаўтак склалі прысягу. Да гэтай падзеі дзяўчаты рыхтаваліся некалькі месяцаў, каб з вялікім энтузіязмам і адказнасцю ўзяць на сябе задачы, якія ставіць вера, Касцёл і Айчына.

«На мой гонар, з ласкі Божай прысягаю ўсім жыццём служыць Богу, Царкве, маёй Бацькаўшчыне і Еўропе хрысціянскай, дапамагаць бліжняму ў кожнай патрэбе і прытрымлівацца Скаўцкага Права», — так гучалі словы скаўцкай прысягі.

Наперадзе ў дзяўчат яшчэ доўгі, але цудоўны шлях фармацыі праз гульні, супольнасць прыязнасці, служэнне і жыццё ў глыбокай веры, шлях да мэты, якой з’яўляецца Святасць у звычайным, штодзённым жыцці.

Рух скаўтаў, сусветны феномен, выхоўвае тысячы маладых людзей, дапамагаючы ў рознабаковым фарміраванні асобы, рыхтуе адважных людзей, здольных адказваць на выклікі сучаснага свету.

Запрашаем да супрацоўніцтва ў выхаванні новага пакалення, для якога хрысціянскія каштоўнасці, будуць жыццёвым прыярытэтам.

Усім зацікаўленым у методыцы і ў самім скаўцкім руху звяртацца па тэлефоне або электронным адрасе:

+375 29 594 10 38
Гэты e-mail адрас абаронены ад спаму-ботаў, для яго прагляду ў Вас павінен быць уключаны Javascript