У ноч з 20 на 21 верасня з Нацыянальнага аэрапорта «Мінск» у кірунку Святой Зямлі вылецеў самалёт з удзельнікамі ІV Нацыянальнай пілігрымкі, мэтай якой стане наведванне месцаў жыцця і дзейнасці Хрыста, а таксама асвячэнне памятных дошак з тэкстамі малітваў «Magnificat» і «Benedictus» на беларускай мове.

Гэтае падарожжа стане чацвёртай па ліку Нацыянальнай пілігрымкай беларускіх католікаў на Святую Зямлю.

Нацыянальныя пілігрымкі на Святую Зямлю:

• красавік 2010 г. — пілігрымка да Года святарства
• верасень 2011 г. — усталяванне і асвячэнне на Святой Зямлі дошкі з малітвай «Ойча наш» на беларускай мове
  
• чэрвень 2014 г. — усталяванне і асвячэнне на Святой Зямлі мазаікі з выявай Маці Божай Будслаўскай

Сёлетнюю пілігрымку, як і папярэднія, узначальвае Мітрапаліт Мінска-Магілёўскі арцыбіскуп Тадэвуш Кандрусевіч. У ліку ўдзельнікаў — два біскупы (акрамя арцыбіскупа таксама дапаможны біскуп Пінскай дыяцэзіі Казімір Велікаселец), святары і вернікі з розных куткоў Беларусі. Пілігрымка будзе доўжыцца сем дзён. За гэты час беларускія вернікі ўбачаць найбольш вядомыя месцы Ізраіля і Палесціны, звязаныя з жыццём і вучэннем Хрыста, а таксама наведаюць Міжземнае і Мёртвае моры.

Паглядзець праграму>>

Сatholic.by будзе весці адмысловую хроніку пілігрымкі.

Чытайце таксама: 

Кс. Раман Факсінскі: «Памятныя дошкі ў святынях Святой Зямлі з надпісам на роднай мове — гонар для любога народа»